View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
Супрацоўнікам ГрДУ імя Янкі Купалы Ніне Кароль і Іне Лісоўскай прысуджана вучоная ступень кандыдата філалагічных навук і прысвоена вучонае званне дацэнта
Купалаўцы працягваюць дэманстраваць дасягненні ў прафесійнай сферы. На падставе рашэння Вышэйшай атэстацыйнай камісіі Рэспублікі Беларусь двум выкладчыкам Гродзенскага дзяржаўнага ўніверсітэта імя Янкі Купалы – Ніне Кароль і Іне Лісоўскай – была прысуджана вучоная ступень кандыдата філалагічных навук і прысвоена вучонае званне дацэнта.
ФОТАФАКТ: рэктар ГрДУ імя Янкі Купалы Ірына Кітурка сустрэлася са студэнтамі і выкладчыкамі факультэта гісторыі, камунікацыі і турызму
Сёння, 27 сакавіка, традыцыйная сустрэча рэктара са студэнтамі і выкладчыкамі прайшла на самым міждысцыплінарным факультэце Купалаўскага ўніверсітэта – факультэце гісторыі, камунікацыі і турызму. Будучыя гісторыкі, перакладчыкі, сацыёлагі, спецыялісты ў сферы турызму, піяршчыкі і журналісты пагаварылі з Ірынай Фёдараўнай пра ідэальны шлях развіцця спецыяльнасцей універсітэта, будучыню магістратуры, а таксама спыталі ў рэктара, чаго не хапае сучаснаму студэнту. Таксама рэктар выказала спадзяванне, што пасля выпуску купалаўцы не забудуць родныя сцены і заўсёды будуць памятаць сваю Alma mater!
Рэктар ГрДУ імя Янкі Купалы Ірына Кітурка прыняла ўдзел у пасяджэнні Гродзенскага абласнога выканаўчага камітэта
Учора, 26 сакавіка, пад кіраўніцтвам старшыні Гродзенскага абласнога выканаўчага камітэта Юрыя Караева прайшло пасяджэнне, у рамках якога абмеркавалі ўзаемадзеянне паміж установамі адукацыі Гродзенскай вобласці і заказчыкамі кадраў.
У ГрДУ імя Янкі Купалы падвялі вынікі ўніверсітэцкага марафону «Разам – за моцную і квітнеючую Беларусь!»
27 сакавіка ў Гродзенскім дзяржаўным універсітэце імя Янкі Купалы завяршыўся ўніверсітэцкі грамадзянска-патрыятычны марафон «Разам – за моцную і квітнеючую Беларусь!». Удзельнікамі марафону сталі навучэнцы каледжаў і студэнты ГрДУ імя Янкі Купалы.
Служэнне навуцы і ўніверсітэту: у ГрДУ імя Янкі Купалы адзначылі юбілей прафесара Славаміра Сцяпанавіча Ануфрыка
Сёння, 26 сакавіка, свой 80-гадовы юбілей адзначае глыбокапаважаны доктар фізіка-матэматычных навук, прафесар кафедры тэарэтычнай фізікі і цеплатэхнікі Гродзенскага дзяржаўнага ўніверсітэта імя Янкі Купалы, заснавальнік навуковай школы лазернай фізікі і спектраскапіі Славамір Сцяпанавіч Ануфрык.
ГрДУ імя Янкі Купалы наведаў Надзвычайны і Паўнамоцны Пасол Туркменістана ў Рэспубліцы Беларусь Назаркулы Шакулыеў
Сёння, 26 сакавіка, з візітам у Гродзенскі дзяржаўны ўніверсітэт імя Янкі Купалы прыбыла дэлегацыя Пасольства Туркменістана ў Рэспубліцы Беларусь на чале з Надзвычайным і Паўнамоцным Паслом Туркменістана ў Рэспубліцы Беларусь Назаркулы Шакулыевым. Мэтай візіту стала сустрэча з кіраўніцтвам і замежнымі студэнтамі ўніверсітэта.
У ГрДУ імя Янкі Купалы праходзіць міжнародная канферэнцыя, прысвечаная правам чалавека
Сёння, 26 сакавіка, на базе юрыдычнага факультэта Гродзенскага дзяржаўнага ўніверсітэта імя Янкі Купалы пачала работу Міжнародная навуковая канферэнцыя студэнтаў, магістрантаў і аспірантаў "Правы чалавека і іх рэалізацыя ў міжнародным гуманітарным праве". Мерапрыемства праходзіць ужо другі раз. У гэтым годзе для абмеркавання актуальных пытанняў у сферы правоў чалавека сабраліся прадстаўнікі Беларусі, Расіі і Таджыкістана.
Дэкан факультэта біялогіі і экалогіі ГрДУ імя Янкі Купалы Вольга Янчурэвіч прыняла ўдзел у пасяджэнні Грамадскага каардынацыйнага экалагічнага савета
17 сакавіка на базе дзяржаўнай установы адукацыі "Сярэдняя школа № 38 імя Кірылы Тураўскага г. Гродна" прайшло пасяджэнне Грамадскага каардынацыйнага экалагічнага савета. Удзельнікам мерапрыемства стала дэкан факультэта біялогіі і экалогіі Купалаўскага ўніверсітэта Вольга Янчурэвіч.
Каманда інжынернага факультэта заняла першае месца ў спаборніцтвах па валейболе
З 16 па 25 сакавіка ў спартыўнай зале галоўнага корпуса Гродзенскага дзяржаўнага ўніверсітэта імя Янкі Купалы праходзілі спаборніцтвы па валейболе сярод жаночых каманд факультэтаў.
У ГрДУ імя Янкі Купалы пройдзе конкурс "Лепшая група ўніверсітэта - 2026"
16 красавіка ў Гродзенскім дзяржаўным універсітэце імя Янкі Купалы адбудзецца конкурс, па выніках якога будзе вызначана найлепшая група ўніверсітэта гэтага года. Арганізатарам конкурсу выступае аддзел падтрымкі маладзёжных праектаў і ініцыятыў упраўлення па ідэалагічнай і выхаваўчай рабоце сумесна з першаснай арганізацыяй з правамі раённага камітэта Грамадскага аб'яднання "Беларускі рэспубліканскі саюз моладзі" універсітэта, першаснай прафсаюзнай арганізацыяй навучэнцаў універсітэта.
Каманда Купалаўскага ўніверсітэта прайшла ў фінал Беларускай кіберспартыўнай студэнцкай лігі
22 сакавіка адбыўся першы кваліфікацыйны этап турніру Беларускай кіберспартыўнай студэнцкай лігі па Counter-Strike 2. Каманда Гродзенскага дзяржаўнага ўніверсітэта імя Янкі Купалы "dobeGG" паспяхова прайшла кваліфікацыю і стала ўдзельнікам фіналу турніру.
У ГрДУ імя Янкі Купалы прайшло пасяджэнне Савета ўніверсітэта
У рамках чарговага пасяджэння, якое адбылося 25 сакавіка, удзельнікі абмеркавалі прасоўванне ўніверсітэта ў сістэме міжнародных рэйтынгаў і арганізацыю выставачнай дзейнасці. Традыцыйна на мерапрыемстве ўшаноўвалі супрацоўнікаў і студэнтаў, якія дасягнулі поспехаў у навучальнай, навуковай і выхаваўчай дзейнасці, і партнёраў ВНУ.
Купалаўскі ўніверсітэт запрашае ўсіх жадаючых стаць удзельнікамі IХ Адкрытага фестывалю «Наўруз Байрам»
27 сакавіка ў Гродзенскім дзяржаўным універсітэце імя Янкі Купалы пройдзе IХ Адкрыты фестываль "Наўруз Байрам". Наўруз - старажытнае свята вясны і наступлення новага года па сонечным календары.
Дэкан факультэта эканомікі і кіравання Марына Карпіцкая выступіла з лекцыяй у гімназіі №1 імя акадэміка Я.Ф. Карскага горада Гродна
25 сакавіка ва ўстанове адукацыі “Гімназія № 1 імя акадэміка Я.Ф. Карскага г. Гродна” прайшла сустрэча ў рамках рэалізацыі праекта “Гімназічныя чытанні”. Спікерам мерапрыемства выступіла дэкан факультэта эканомікі і кіравання Гродзенскага дзяржаўнага ўніверсітэта імя Янкі Купалы Марына Карпіцкая.
ФОТАФАКТ: у Купалаўскім універсітэце прайшла акцыя, прымеркаваная да Вялікадня
Сёння, 25 сакавіка, напярэдадні аднаго з найважнейшых для хрысціян свята - Вялікадня, у Гродзенскім дзяржаўным універсітэце імя Янкі Купалы адбылася акцыя "Велікодная паштоўка". Сумеснае мерапрыемства Купалаўскага ўніверсітэта і Мінскай духоўнай семінарыі аб'яднала ўсіх, каму важна ў гэтае асаблівае свята падарыць цяпло блізкаму чалавеку. Кіраўніцтва ўніверсітэта, студэнты, супрацоўнікі і ганаровыя госці атрымалі магчымасць выбраць упадабаную паштоўку і напісаць у ёй кранальнае пажаданне, якое абавязкова ў дзень свята трапіць да родных і сяброў.