Дзяржстандарт падвёў вынікі конкурсу «Лепшая дыпломная і навукова-даследчая работа студэнтаў у галіне менеджменту і кантролю якасці» па выніках 2025 года. Сярод пераможцаў – выпускнікі факультэта біялогіі і экалогіі і фізіка-тэхнічнага факультэта Гродзенскага дзяржаўнага ўніверсітэта імя Янкі Купалы.
У склад конкурснай камісіі ўвайшлі прадстаўнікі Дзяржстандарта, Міністэрства адукацыі Рэспублікі Беларусь, іншых рэспубліканскіх органаў дзяржаўнага кіравання, а таксама кіроўныя адмыслоўцы арганізацый у вобласці менеджменту і кантролю якасці.
Па выніках прадуктыўнай працы пераможцамі конкурсу «Лепшая дыпломная і навукова-даследчая работа студэнтаў у галіне менеджменту і кантролю якасці» сталі двое выпускнікоў Купалаўскага ўніверсітэта. Першая пераможца – выпускніца факультэта біялогіі і экалогіі Аляксандра Ляўчук. Праца праводзілася пад навуковым кіраўніцтвам прарэктара па навуковай рабоце, дацэнта кафедры сістэмнай біялогіі, кандыдата біялагічных навук, дацэнта Наталлі Башун. Другім пераможцам стаў выпускнік фізіка-тэхнічнага факультэта Дзяніс Даўкша. Яго навуковым кіраўніком выступіў загадчык кафедры электратэхнікі і электронікі, кандыдат фізіка-матэматычных навук, дацэнт Андрэй Герман.
Віншуем супрацоўнікаў і выпускнікоў нашага ўніверсітэта з перамогай і жадаем далейшых поспехаў у галіне менеджменту і кантролю якасці!
Гродзенскі дзяржаўны ўніверсітэт імя Янкі Купалы