Конкурс прафесійнага майстэрства «Педагог-інаватар Купалаўскага ўніверсітэта» працягваецца. Яркай падзеяй конкурснага календара стаў трэнінг старшага выкладчыка кафедры ўзроставай і педагагічнай псіхалогіі Антаніны Семак.
У сучасным свеце універсітэты становяцца сапраўднымі скрыжаваннямі культур, і задача выкладчыкаў – знайсці падыход да ўсіх студэнтаў, у тым ліку тых, хто прыехаў на вучобу з-за мяжы. Менавіта гэтаму і быў прысвечаны трэнінг Антаніны Сямак, якая пагрузіла калег у складаны працэс сацыяльна-псіхалагічнага ўзаемадзеяння з замежнымі студэнтамі.
Канкурсант не проста расказала пра тэарэтычныя аспекты адаптацыі, а правяла дэталёвы разбор псіхалагічных партрэтаў студэнтаў з розных краін, уключаючы Кітай і Туркменістан. Гэта дазволіла ўбачыць спецыфіку паводніцкіх і адукацыйных мадэляў студэнтаў, зразумець культурныя коды, якія ўплываюць на ўспрыманне інфармацыі, пабудову міжасобаснай і вучэбнай камунікацыі.
Зносіны на працягу ўсяго трэнінгу насілі адкрыты і добразычлівы характар. Завяршылася сустрэча прадуктыўнай сесіяй «пытанне-адказ», падчас якой канкурсант выказала карысныя парады і рэкамендацыі.
Антаніна Семак падзялілася з калегамі ключавой думкай:
«Разуменне культурнага кантэксту студэнта – гэта не проста ветлівасць, гэта ключ да яго матывацыі і акадэмічных поспехаў. Калі мы бачым за студэнтам-замежнікам унікальную асобу, мы выбудоўваем мост даверу, які неабходны для эфектыўнай трансляцыі прафесійных ведаў».
Чарговае мерапрыемства «Адкрытага навучання» адбудзецца 30 кастрычніка 2025 года. Запрашаем здзейсніць апусканне ў педагогіку штучнага інтэлекту разам са старшым выкладчыкам кафедры кіравання і эканомікі вышэйшай школы РІВШ Дзмітрыем Оськіным. Сустрэча адбудзецца ў аўдыторыі 218а галоўнага корпуса ўніверсітэта. Пачатак у 15.05.
Гродзенскі дзяржаўны ўніверсітэт імя Янкі Купалы