Купалаўцы Святлана Гаранец і Таццяна Краўчук увайшлі ў лік лепшых аспірантаў краіны, якія атрымалі высокую дзяржаўную ўзнагароду за свае навуковыя дасягненні.
Стыпендыя Прэзідэнта Рэспублікі Беларусь назначаецца аспірантам за выдатныя поспехі ў навуковай рабоце, актуальнасць выбраных тэм і высокую практычную значнасць даследаванняў. Галоўная мэта такой падтрымкі – сацыяльнае заахвочванне таленавітай моладзі, павышэнне якасці падрыхтоўкі навуковых работнікаў вышэйшай кваліфікацыі і стымуляванне эфектыўнасці навукова-даследчай дзейнасці.
Распрацоўкі сучасных стыпендыятаў ахопліваюць шырокі спектр тэм у галіне тэхнічных, хімічных, матэматычных, медыцынскіх, сельскагаспадарчых, эканамічных навук, лічбавых тэхналогій, літаратуры, адукацыі і навук аб Зямлі.
Стыпендыя Прэзідэнта Рэспублікі Беларусь назначана аспіранту факультэта эканомікі і кіравання Святлане Гаранец за распрацоўку методыкі комплекснай ацэнкі інтэграцыйнага патэнцыялу аграрнага бізнесу, якая дае магчымасць ацаніць ступень міжрэгіянальнага гандлёва-эканамічнага ўзаемадзеяння суб'ектаў Гродзенскай вобласці для абгрунтавання перспектыў развіцця іх канкурэнтных пераваг на знешнім рынку.
Аспірант інжынернага факультэта Таццяна Краўчук атрымала стыпендыю Прэзідэнта Рэспублікі Беларусь за распрацоўку і ўкараненне метадаў стварэння кампазіцыйных палімерных матэрыялаў, мадыфікаваных часціцамі карбіду крэмнію, атрыманымі з расліннай сыравіны шматгадовай травы сямейства Асаковыя (Cyperaceae), накіраваных на вырашэнне праблемы імпартазамяшчэння.
Купалаўскі ўніверсітэт віншуе Святлану Гаранец і Таццяну Краўчук з гэтым дасягненнем!
Гродзенскі дзяржаўны ўніверсітэт імя Янкі Купалы