22 кастрычніка рэктар ГрДУ імя Янкі Купалы Ірына Кітурка выступіла на адкрыцці XIV Форума ВНУ інжынерна-тэхналагічнага профілю Саюзнай дзяржавы, які праходзіць з 21 па 25 кастрычніка ў Мінску ў Беларускім нацыянальным тэхнічным універсітэце.
У сваёй вітальнай прамове Ірына Фёдараўна адзначыла актуальнасць развіцця інжынернай адукацыі ва ўмовах сучаснага свету і падкрэсліла, што інавацыйныя тэхналогіі і ўстойлівае развіццё патрабуюць высокакваліфікаваных спецыялістаў. Таксама яна акцэнтавала ўвагу на важнасці супрацоўніцтва паміж адукацыйнымі ўстановамі краін Саюзнай дзяржавы, якая садзейнічае абмену вопытам і ўкараненню лепшых практык у адукацыйны працэс, і адзначыла, што інжынерная адукацыя павінна быць адаптыўнай і адпавядаць патрабаванням рынку працы, які хутка змяняецца.
У дэлегацыю Купалаўскага ўніверсітэта таксама ўвайшлі Наталля Башун, прарэктар па навуковай рабоце, Уладзімір Барсукоў, прафесар кафедры машыназнаўства і тэхнічнай эксплуатацыі аўтамабіляў інжынернага факультэта, Таццяна Краўчук, выкладчык-стажор кафедры матэрыялазнаўства і рэсурсазберагальных тэхналогій інжынернага факультэта, Аляксандр Бялко, загадчык кафедры тэарэтычнай фізікі, Дзмітрый Звярко, дацэнт кафедры электратэхнікі і электронікі фізіка-тэхнічнага факультэта, Карына Млыноўская, метадыст 1 катэгорыі арганізацыйна-метадычнага аддзела ўпраўлення па ідэалагічнай і выхаваўчай рабоце, Ангеліна Янкелайць, спецыяліст аддзела падтрымкі маладзёжных праектаў і ініцыятыў упраўлення па ідэалагічнай і выхаваўчай рабоце, і Алена Апякун, начальнік цэнтра трансферу тэхналогій.
XIV Форум ВНУ інжынерна-тэхналагічнага профілю Саюзнай дзяржавы – гэта знакавая падзея, якая аб'яднала каля 50 вышэйшых навучальных устаноў Беларусі і Расіі і каля 200 удзельнікаў, стаўшы важнай пляцоўкай для дыскусій аб будучыні інжынернай адукацыі і яе ролі ў забеспячэнні тэхналагічнага суверэнітэту краін.
У праграме форуму запланавана работа секцый. Сёння іх тэмамі стануць «Прыярытэтныя напрамкі навуковай, навукова-тэхнічнай і інавацыйнай дзейнасці ВНУ Саюзнай дзяржавы», «Развіццё інжынернай адукацыі ў Саюзнай дзяржаве», «Маладзёжнае інавацыйнае прадпрымальніцтва» і «Патрыятычнае выхаванне ў інжынернай адукацыі Саюзнай дзяржавы».
Удзел у такім маштабным форуме дае ўнікальную магчымасць для абмеркавання новых падыходаў і тэхналогій, якія дапамогуць падрыхтаваць будучых спецыялістаў, здольных спраўляцца з любымі выклікамі сучаснага свету.
Гродзенскі дзяржаўны ўніверсітэт імя Янкі Купалы