У Гродзенскім дзяржаўным універсітэце імя Янкі Купалы на ўсю моц ідзе святкаванне Дня моладзі і студэнцтва. Учора, 24 чэрвеня, для студэнтаў прайшоў майстар-клас па штучным інтэлекту, у рамках якога яны вывучылі, як можна выкарыстоўваць штучны інтэлект у паўсядзённым жыцці.
Спікерам мерапрыемства выступіла старшы выкладчык кафедры тэорыі і гісторыі дзяржавы і права, магістр юрыдычных навук Дыяна Зубрык.
У ходзе лекцыі яна разам са студэнтамі разгледзела ключавыя напрамкі прымянення штучнага інтэлекту ў адукацыйным працэсе: магчымасці аўтаматызацыі руцінных задач, выкарыстанне нейрасетак для пошуку і аналізу інфармацыі, а таксама этычныя аспекты ўкаранення тэхналогій. Слухачы атрымалі практычныя рэкамендацыі па эфектыўным выкарыстанні ІІ-інструментаў у вучэбнай і навуковай дзейнасці.
Мерапрыемства выклікала жывую цікавасць у студэнтаў. Яны актыўна задавалі пытанні, разважалі аб выкарыстанні штучнага інтэлекту для спрашчэння задач і дзяліліся ўласным досведам працы з нейрасецямі.
Гродзенскі дзяржаўны ўніверсітэт імя Янкі Купалы