5-6 чэрвеня ў Ленінградскім дзяржаўным універсітэце імя А. С. Пушкіна прайшла ХXXI Міжнародная навуковая канферэнцыя «Пушкінскія чытанні-2026». Мастацкія стратэгіі класічнай і новай славеснасці». Сярод выступоўцаў была дацэнт кафедры журналістыкі Купалаўскага ўніверсітэта Таццяна Сівава.
Маштабнае навуковае мерапрыемства аб'яднала больш за 100 даследчыкаў з Расіі, Беларусі, Казахстана, Арменіі, КНР, Ірана і Швецыі.
Ключавымі тэмамі канферэнцыі сталі актуальныя праблемы сучаснай філалогіі: дынаміка жанравых форм і стылявых тэндэнцый у літаратуры; мастацкія вобразы і канцэпты ў літаратуры і мастацтве; моўныя адзінкі ў прасторы тэкста і ў медыякамунікацыі; «Пушкінскі тэкст» у літаратуры і культуры; каляровыя абазначэнні ў мове, маўленні і мастацкім тэксце; паэтыка колеру ў мове, маўленні і мастацкім тэксце.
У рамках секцыі «Каляровыя абазначэнні ў мове, маўленні і мастацкім тэксце» дацэнт кафедры журналістыкі Гродзенскага дзяржаўнага ўніверсітэта імя Янкі Купалы Таццяна Сівава выступіла з дакладам аб актуальных пытаннях каляровай перцэпцыі і візуалізацыі расліннай прасторы. Прадстаўленая навуковая праца выклікала жывую цікавасць сярод удзельнікаў навуковай канферэнцыі.
Усе дакладчыкі атрымалі памятныя сэртыфікаты. Па выніках форуму плануецца выданне навуковага зборніка.
Гродзенскі дзяржаўны ўніверсітэт імя Янкі Купалы