Выкладчыкі на практыцы вывучылі, як ШІ дапамагае ствараць навучальныя матэрыялы і, што асабліва важна, як з дапамогай заданняў развіваць моцныя бакі студэнтаў.
ШІ-асістэнт для стварэння тэстаў: хутка, даступна, карысна.
Трэцяя сустрэча была прысвечана генерацыі тэставых заданняў. Удзельнікі пагрузіліся ў свет прамптаў, навучыліся дакладна фармуляваць запыты для стварэння заданняў са множным выбарам і адпрацавалі алгарытм размяшчэння гатовых тэставых заданняў на Адукацыйным партале ўніверсітэта. Жывая дыскусія аб магчымасцях і рызыках выкарыстання ІІ ў ролі распрацоўніка тэстаў паказала, наколькі гэтая тэма актуальная і шматгранная.
Як ствараць заданні, устойлівыя да ШІ?
Адказ на гэтае няпростае пытанне шукалі на чацвёртым занятку. Фокус зрушыўся на распрацоўку «моцных» навучальных заданняў, якія абмяжоўваюць магчымасці штучнага інтэлекту на этапе іх рашэння. Выкладчыкі аналізавалі эфектыўныя стратэгіі стварэння заданняў, разбіралі прыклады з розных прадметных абласцей, а на практыцы апрабавалі генерацыю ўстойлівых заданняў на платформе AI MagicSchool.
Праведзеныя заняткі наглядна паказалі, наколькі важна прымаць аптымальныя рашэнні: выкарыстоўваць ШІ як магутнага памагатага для аўтаматызацыі руціны і адначасова развіваць патэнцыял студэнтаў праз прадуманыя, унікальныя, творчыя заданні.
Далучайцеся да праекту «ШІасяроддзе», рэгіструйцеся, калі не паспелі гэта зрабіць раней.
Матэрыялы «ШІасяроддзя» даступныя на сайце электроннага навукова-метадычнага часопіса «Універсітэт адукацыйных інавацый» па спасылцы.
Гродзенскі дзяржаўны ўніверсітэт імя Янкі Купалы