30 кастрычніка Медыямост дружбы аб'яднаў студэнтаў з Кітайскай Народнай Рэспублікі і Рэспублікі Беларусь на факультэце гісторыі, камунікацыі і турызму.
Удзельнікі мерапрыемства расказалі адзін аднаму аб буйнейшых медыя Беларусі і Кітая, аб сацыяльных сетках і месэнджэрах, якія папулярныя ў розных краінах, а таксама аб блогерах і іх кантэнце.
Дэкан факультэта гісторыі, камунікацыі і турызму Віктар Белазаровіч адзначыў, што сустрэчы беларускіх і кітайскіх студэнтаў у фармаце абмену думкамі вельмі важны для сацыяльнай адаптацыі замежных грамадзян. Яны дазваляюць наладзіць адносіны, знайсці новыя знаёмствы і адчуць дачыненне да агульнай культуры камунікацыі Купалаўскага ўніверсітэта.
На сённяшні дзень на факультэце гісторыі, камунікацыі і турызму набраны дзве групы студэнтаў з Кітайскай Народнай Рэспублікі па праграме паглыбленай вышэйшай адукацыі. У лістападзе пачне сваю працу скарочаная праграма вышэйшай адукацыі па спецыяльнасці вышэйшай адукацыі "Журналістыка". Так як студэнты з Кітая асвойваюць у нашым універсітэце адукацыйную праграму магістратуры "Журналістыка (Медыямэнэджмент)" на англійскай, яна і была выбрана мовай-пасрэднікам.
На мерапрыемстве беларускія і кітайскія студэнты падрыхтавалі і правялі навучальныя віктарыны, якія дапамаглі бліжэй пазнаёміцца з традыцыямі дзвюх краін. На заканчэнне вечара студэнты атрымалі пажаданні-прадказанні ад выкладчыкаў кафедры журналістыкі.
Гродзенскі дзяржаўны ўніверсітэт імя Янкі Купалы