27 ліпеня ў Купалаўскім універсітэце адбудзецца залічэнне ў лік студэнтаў для атрымання агульнай і спецыяльнай вышэйшай адукацыі за кошт сродкаў бюджэту па сертыфікатах ЦЭ/ЦТ і выніках уступных іспытаў. Ужо сёння абітурыенты даведаюцца пра доўгачаканыя вынікі. Падключайцеся да нашай анлайн-трансляцыі, каб першымі пачуць спісы залічаных!
Пасяджэнне прыёмнай камісіі пачнецца ў 16:30. Удзельнікі сустрэчы падвядуць вынікі конкурсу і аб'явяць імёны абітурыентаў, якія прайшлі на бюджэтную форму навучання. Сачыць за ходам пасяджэння можна ў рэжыме рэальнага часу! Анлайн-трансляцыя будзе запушчана на YouTube-канале Купалаўскага ўніверсітэта, не прапусціце.
Таксама пра вынікі залічэння можна будзе даведацца ў Лічбавым кабінеце абітурыента.
Чакаем усіх на трансляцыі і жадаем будучым купалаўцам удачы! Няхай гэты дзень стане пачаткам вашага паспяховага студэнцкага шляху!
Гродзенскі дзяржаўны ўніверсітэт імя Янкі Купалы