24-25 мая ў Ашхабадзе прайшла юбілейная XXV міжнародная ўніверсальная выстава «Белы горад Ашхабад». У склад дэлегацыі Рэспублікі Беларусь увайшлі прадстаўнікі вядучых універсітэтаў краіны, у тым ліку Гродзенскага дзяржаўнага ўніверсітэта імя Янкі Купалы.
Традыцыйна форум прымеркаваны да святкавання Дня беламармуровай сталіцы – Ашхабада. Аднак сёлета ён таксама прымеркаваны да 145-годдзя горада Ашхабада і 35-годдзя Незалежнасці Туркменістана і праходзіць пад дэвізам «Архітэктура. Інавацыі. Устойлівае развіццё».
У мерапрыемстве прынялі ўдзел кіраўнікі і прадстаўнікі туркменскіх і замежных кампаній і прадпрыемстваў, міністэрстваў і галіновых ведамстваў, а таксама прадстаўніцтваў замежных дзяржаў і міжнародных арганізацый у Туркменістане.
Гродзенскі дзяржаўны ўніверсітэт імя Янкі Купалы на выставе прадставіла начальнік цэнтра інтэрнацыяналізацыі адукацыі Купалаўскага ўніверсітэта Алена Белакоз. У рамках работы выставы Алена Іосіфаўна сумесна з выпускнікамі і членамі Савета зямляцтваў замежных студэнтаў папярэдніх гадоў Арсланам Отузавым і Нязлі Шахыравай прэзентавала навуковы і адукацыйны патэнцыял, а таксама вопыт ГрДУ імя Янкі Купалы для ўстаноў адукацыі і арганізацый Туркменістана, накіраваны на прыцягненне замежных абітурыентаў.
Удзел прадстаўнікоў Купалаўскага ўніверсітэта ў выставе «Белы горад Ашхабад» стварыў спрыяльныя ўмовы для пашырэння кантынгенту абітурыентаў з Туркменістана і ўмацавання сувязей з выпускнікамі – членамі Асацыяцыі замежных выпускнікоў ГрДУ імя Янкі Купалы, якія выступаюць важнымі пасламі ўніверсітэта ў сваёй краіне.
Гродзенскі дзяржаўны ўніверсітэт імя Янкі Купалы