8 мая, напярэдадні вялікага свята – Дня Перамогі, у сценах Купалаўскага ўніверсітэта адбылася дыялогавая пляцоўка ў фармаце адкрытага дыялога на тэму «Шлях да Перамогі. Сімвалы маёй краіны». Мерапрыемства аб'яднала студэнтаў усіх факультэтаў, кіраўніцтва ВНУ і гісторыкаў універсітэта.
Адкрыў сустрэчу прарэктар па ідэалагічнай і выхаваўчай рабоце Васіль Сянько. У сваім уступным слове ён падкрэсліў важнасць захавання гістарычнай памяці і разумення глыбінных сэнсаў дзяржаўных сімвалаў. Мадэратар мерапрыемства, загадчык кафедры гісторыі Беларусі, археалогіі і спецыяльных гістарычных дысцыплін Сяргей Амелька, задаў вектар дыскусіі, адзначыўшы значнасць экспертнага падыходу ў вывучэнні падзей ваенных гадоў.
У рамках дыялогавай пляцоўкі доктар гістарычных навук, прафесар Эдмунд Ярмусік прадставіў даклад па тэме «Была пераможная вясна». Кандыдат гістарычных навук Аляксандр Горны расказаў аб традыцыях святкавання Дня Перамогі, раскрыўшы гістарычны кантэкст таго, як гэты дзень адзначалі нашы продкі.
На дыялогавай пляцоўцы выступіў і студэнт 2 курса факультэта гісторыі, камунікацыі і турызму Георгій Краўчык з дакладам «Знамя Перамогі», прадставіўшы погляд сучаснага пакалення на галоўны сімвал вясны 1945 года.
Намеснік дэкана па ідэалагічнай і выхаваўчай рабоце Аляксандр Арлукевіч завяршыў сустрэчу выступленнем аб дзяржаўных сімвалах суверэннай Беларусі. Ён падкрэсліў важнасць народнай еднасці і непарыўнай сувязі пакаленняў.
Сустрэча перайшла ў актыўную дыскусію: удзельнікі адзначылі, што такія дыялогавыя пляцоўкі дапамагаюць моладзі не толькі глыбей вывучаць гісторыю краю, але і свядома раздзяляць каштоўнасці беларускай дзяржавы.
Гродзенскі дзяржаўны ўніверсітэт імя Янкі Купалы