Віртуальная фотавыстава «Дзеці Вялікай Айчыннай вайны» падрыхтавана ў рамках рэалізацыі міждысцыплінарнага праекта «Генацыд беларускага народа: памяць і боль Гродзенскай зямлі». Праект выконваецца ў Гродзенскім дзяржаўным універсітэце імя Янкі Купалы з 2023 года па ініцыятыве Пракуратуры Гродзенскай вобласці.
Выстава «Дзеці Вялікай Айчыннай вайны» расказвае пра трагедыі дзяцей, на долю якіх выпаў страшны ваенны час. Сярод іх – дзеці з дзіцячых дамоў і прытулкаў. Нямецкая ўлада актыўна стварала новыя дзіцячыя дамы. Іх мэтай было не толькі вырашыць праблему бадзяжніцтва, але і атрымаць неабходныя працоўныя і донарскія рэсурсы, а таксама выхаваць дзяцей у духу падпарадкавання і павагі да нямецкай улады.
Віртуальная выстаўка адлюстроўвае вынікі першага этапа даследавання тэмы «Дзеці Вялікай Айчыннай вайны» ў рамках міждысцыплінарнага праекта. Увага аўтараў праекта засяроджана на гісторыі Адампальскага дзіцячага дома, прытулку ў пасёлку Наваельня, прытулку ў пасёлку Дзятлава, Іўеўскага дзіцячага дома, некалькіх дзіцячых дамоў у г. Гродна.
Пазнаёміцца з віртуальнай выставай «Дзеці Вялікай Айчыннай вайны» можна на сайце факультэта гісторыі, камунікацыі і турызму.
Гродзенскі дзяржаўны ўніверсітэт імя Янкі Купалы