22 мая на сцэне канцэртнай залы Нацыянальнага цэнтра творчасці дзяцей і моладзі ў Мінску падвялі вынікі рэспубліканскага фестывалю мастацкай творчасці навучэнскай і студэнцкай моладзі «Арт-вакацыі – 2026». Творчыя калектывы Гродзенскага дзяржаўнага ўніверсітэта імя Янкі Купалы дастойна прадставілі свой універсітэт і прывезлі 14 дыпломаў першай, другой і трэцяй ступені.
Адным з самых яркіх момантаў гала-канцэрта стала выступленне калектыву тэатра моды Купалаўскага ўніверсітэта «Уні-Арт» з калекцыяй «Беларускія прыгажуні». Калектыў пакарыў усіх прысутных смелым спалучэннем традыцый і сучаснасці.
Па выніках фестывалю купалаўцы сталі ўладальнікамі 14 дыпломаў розных ступеней - чатырох першай ступені, сямі другой ступені і трох трэцяй ступені.
Уладальнікам дыплома першай ступені ў намінацыі «Тэатральны жанр» стаў тэатр моды «Уні-Арт». Таксама дыпломы першай ступені ў намінацыі «Інструментальны жанр» атрымалі тры музычныя калектывы ГрДУ імя Янкі Купалы: інструментальны ансамбль «Сінергія», квартэт цымбалістаў факультэта мастацтваў і дызайну і ансамбль скрыпачоў «Віёла».
Дыпломам другой ступені ў намінацыі «Вакальна-харавы жанр» быў узнагароджаны вакальны ансамбль «Рэзананс». Уладальнікамі дыпломаў другой ступені ў намінацыі «Харэаграфічны жанр» сталі студыя стылізаванага танца «Крокі» і харэаграфічны калектыў «ВІАР». Дыплом другой ступені ў намінацыі «Тэатральны жанр» атрымала «народная» студыя славянскай гісторыі, мастацтва і адзінаборстваў «Клуб «Арыдан». Таксама дыпломам другой ступені ў намінацыі «Тэатральны жанр» былі ўзнагароджаны студэнт першага курса факультэта гісторыі, камунікацыі і турызму Іван Музычка, студэнтка трэцяга курса інжынернага факультэта Кацярына Сіроцкая, студэнт другога курса факультэта гісторыі, камунікацыі і турызму Арцём Кузьмянок і студэнтка другога курса факультэта гісторыі, а таксама студэнтка другога курса факультэта гісторыі.
Дыпломы трэцяй ступені ў намінацыі «Вакальна-харавы жанр» атрымалі ўдзельніцы студыі эстрадных спеваў «Унісон» – студэнтка чацвёртага курса філалагічнага факультэта Аліна Саўчук і студэнтка першага курса факультэта мастацтваў і дызайну Алеся Парамонава.
Таксама купалаўцы выдатна паказалі сябе ў рэспубліканскім завочным конкурсе мастацкай творчасці студэнтаў «АРТ-ПАРТАЛ – 2026». Дыпломамі другой ступені ў намінацыі «Гарадскі след: міфы і легенды майго ўніверсітэта» былі ўзнагароджаны студэнтка трэцяга курса факультэта гісторыі, камунікацыі і турызму Карына Місцюк і студэнтка трэцяга курса юрыдычнага факультэта Арына Белавокая, а таксама студэнтка другога курса факультэта біялогіі і экалогіі Аліна Цюлюпа.
Студыя размоўнага жанру «Канферанс» была ўдастоена дыплома другой ступені ў рэспубліканскім інтэрактыўным праекце «РЭЦЫТАЦЫЯ – 2026».
Віншуем творчыя калектывы і студэнтаў Купалаўскага ўніверсітэта і жадаем ім працягваць пакараць творчыя вяршыні!
Гродзенскі дзяржаўны ўніверсітэт імя Янкі Купалы