На факультэце эканомікі і кіравання ГрДУ імя Янкі Купалы рэалізуецца новая ўнікальная адукацыйная прафесійная праграма сумесна з Міжнародным інстытутам эканомікі і лінгвістыкі Іркуцкага дзяржаўнага ўніверсітэта. Яе ўдзельнікамі сталі 13 настаўнікаў сярэдніх агульнаадукацыйных школ, ліцэяў і гімназій горада Іркуцка.
Стажыроўка прысвечана самай актуальнай у цяперашні час тэме ў сучаснай адукацыі – выкарыстанню нейрасетак. Тэмай праграмы стала «Штучны інтэлект і нейрасеткі ў дзейнасці педагагічнага работніка». ГрДУ імя Янкі Купалы ў рамках праграмы рэалізуе блок «Персаналізацыя навучання і аўтаматызацыя», які пазнаёміць педагогаў з інструментамі штучнага інтэлекту для аўтаматызацыі задач і стварэння персаналізаваных заданняў для вучняў.
Адзначым, што паміж Гродзенскім дзяржаўным універсітэтам імя Янкі Купалы і Міжнародным інстытутам эканомікі і лінгвістыкі Іркуцкага дзяржаўнага ўніверсітэта ўжо больш за 5 гадоў дзейнічае дамова супрацоўніцтва. За гэты час ВНУ наладзілі добрыя адукацыйныя адносіны – вядзецца падрыхтоўка спецыялістаў па сумеснай праграме магістратуры, выкладчыкі Іркуцкага ўніверсітэта прыязджаюць у Купалаўскі ўніверсітэт на стажыроўкі, а студэнты ўдзельнічаюць у вясновых і восеньскіх школах.
Гродзенскі дзяржаўны ўніверсітэт імя Янкі Купалы