З 24 па 27 лістапада Федэрацыя прафсаюзаў Беларусі сумесна з Міжнародным універсітэтам "МІПСА" праводзіць III Міжнародны конкурс "Нюрнбергскі працэс і сучаснае міжнароднае права". У якасці партнёраў выступаюць Нацыянальны цэнтр заканадаўства і прававой інфармацыі Рэспублікі Беларусь, а таксама Інстытут гісторыі Нацыянальнай акадэміі навук Беларусі.
Мэта конкурсу - распаўсюджванне ведаў аб рэальных выніках Другой сусветнай вайны, прадухіленне перагляду рашэнняў Нюрнбергскага трыбунала, павышэнне ўзроўню падрыхтоўкі студэнтаў і магістрантаў, а таксама стымуляванне іх цікавасці да вывучэння міжнароднага права, уключаючы міжнароднае публічнае, крымінальнае і гуманітарнае права.
Удзел у конкурсе прадугледжвае фарміраванне каманд са студэнтаў і магістрантаў юрыдычных спецыяльнасцей, якія складаюцца з двух навучэнцаў і трэнера або трох навучэнцаў, але без трэнера. Для ўдзелу ў конкурсе неабходна падаць заяўку да 24 кастрычніка 2025 года, а таксама прадставіць Мемарандумы бакоў Абвінавачання і Абароны да 4 лістапада 2025 года на электронную пошту: moot@mitso.by. Матэрыялы судовай справы вы можаце знайсці па спасылцы. Працоўная мова конкурсу - руская, фармат правядзення - вочны ўдзел. Конкурс пройдзе з 24 па 27 лістапада 2025 г. у Мінску па адрасе: вул. Казінца, 21/3.
Адзначым, што ўдзел у конкурсе бясплатны, аднак каманды нясуць выдаткі на праезд да Мінска і назад. Выдаткі на пражыванне і харчаванне для замежных і іншагародніх каманд пакрываюцца арганізатарамі.
Падрабязная інфармацыя аб конкурсе даступная па спасылцы. Для атрымання дадатковых звестак можна звярнуцца ў аддзел міжнароднага супрацоўніцтва: Кучынскі Алег Анатольевіч - начальнік аддзела міжнароднага супрацоўніцтва, +375 17 279 98 58 або Няхай Раман Генадзевіч - вядучы спецыяліст аддзела міжнароднага супрацоўніцтва, +375 17 279 98 62.
Купалаўцы, не ўпусціце шанц прыняць удзел у гэтай значнай падзеі!
Гродзенскі дзяржаўны ўніверсітэт імя Янкі Купалы