Напярэдадні Дня моладзі і студэнцтва цэнтр горада Гродна ператварыцца ў маштабную інтэрактыўную пляцоўку. 27 чэрвеня ў рамках святочнага фестывалю «МоладФэст – Прыцягненне» пройдзе квэст «Моладзь у гісторыі», дзе кожны жадаючы зможа праверыць свае веды і выдатна правесці час.
Арганізатары падрыхтавалі насычаную праграму. Удзельнікаў чакаюць сем займальных інтэрактыўных станцый: «Наша гісторыя», «Родныя словы», «Факты на стол», «Танцуюць усе», «Гераічная», «Гродна» і «Фота-паляванне».
Каб прыняць удзел, неабходна сабраць каманду ад 3 да 5 чалавек (запрашаюцца школьнікі, студэнты і моладзь, якая працуе) і да 25 чэрвеня прайсці рэгістрацыю. Таксама арганізатары падрыхтавалі спецыяльны міні-квест, які можна прайсці без папярэдняй рэгістрацыі.
Квэст пачнецца на вуліцы Савецкай, 31 у 15:00.
Запрашаем купалаўцаў далучыцца да гульні і бліжэй пазнаёміцца з гісторыяй роднага Гродна!
Гродзенскі дзяржаўны ўніверсітэт імя Янкі Купалы