Прадстаўнікі Купалаўскага ўніверсітэта працягваюць актыўны ўдзел у XIII Міжнародным форуме "Еўразійская эканамічная перспектыва", які праходзіць з 23 па 27 верасня ў Санкт-Пецярбургскім дзяржаўным эканамічным універсітэце.
За час свайго знаходжання на мерапрыемстве купалаўцы паспелі выступіць з дакладамі ў рамках тэматычных сесій, прысвечаных стратэгічным пытанням сучаснага развіцця Еўразійскай прасторы ва ўмовах множнасці знешніх выклікаў і развіцця новых праектаў і партнёрстваў у макрарэгіёне Вялікай Еўразіі. І на гэтым візіт не скончыўся.
25 верасня дэлегацыя Гродзенскага дзяржаўнага ўніверсітэта імя Янкі Купалы наведала ўрачыстае пасяджэнне Вучонага савета, прысвечанае 95-годдзю Санкт-Пецярбургскага дзяржаўнага эканамічнага ўніверсітэта. Сёння, 26 верасня, праходзяць рабочыя сустрэчы прадстаўнікоў ГрДУ імя Янкі Купалы з кіраўніцтвам і навукова-адукацыйнымі падраздзяленнямі ўніверсітэта.
Даведачна: Санкт-Пецярбургскі дзяржаўны эканамічны ўніверсітэт ужо некалькі гадоў не толькі цесна супрацоўнічае з Гродзенскім дзяржаўным універсітэтам імя Янкі Купалы, але і мае з ім моцныя сяброўскія адносіны. У 2020 годзе рэктару Санкт-Пецярбургскага дзяржаўнага эканамічнага ўніверсітэта Ігару Максімцаву было прысвоена званне Ганаровага прафесара ГрДУ імя Янкі Купалы за буйны ўклад у развіццё ўніверсітэта і павышэнне яго аўтарытэту на міжнароднай арэне. У 2022 годзе паміж ВНУ была падпісана дамова аб супрацоўніцтве ў сферы адукацыі і навуковай дзейнасці.
Гродзенскі дзяржаўны ўніверсітэт імя Янкі Купалы