Студэнты Гродзенскага дзяржаўнага ўніверсітэта імя Янкі Купалы сталі актыўнымі ўдзельнікамі VII Міжнароднага маладзёжнага форуму «Антыкантрафакт-М», які прайшоў у Беларускім дзяржаўным універсітэце фізічнай культуры.
Форум сабраў удзельнікаў з пяці краін ЕАЭС, якія разам з вядучымі экспертамі абмеркавалі пытанні фарміравання культуры свядомага спажывання ў моладзі і выяўлення прыкмет парушэнняў на анлайн-платформах. Студэнты Купалаўскага ўніверсітэта не толькі актыўна ўдзельнічалі ў дыскусіях, але і паспяхова прымянялі атрыманыя веды на практыцы ў рамках кейс-чэмпіянату, які ахоплівае чатыры актуальныя напрамкі: БАДы, медыцынскія вырабы (філеры), цэмент, сродкі аховы раслін.
Па выніках работы купалаўцы прадэманстравалі высокі ўзровень ведаў і здольнасцей, заваяваўшы прызавыя месцы. Каманда «Чысты выбар» узнагароджана дыпломам I ступені. Дыплом III ступені атрымала каманда «Трынь-трава» ў кейс-чэмпіянаце «Маладзёжныя ініцыятывы супраць кантрафакту: ад ідэй да дзеянняў».
Віншуем купалаўцаў з заслужанай перамогай і жадаем далейшых поспехаў!
Гродзенскі дзяржаўны ўніверсітэт імя Янкі Купалы