Кафедра журналістыкі Гродзенскага дзяржаўнага ўніверсітэта імя Янкі Купалы запрашае вучняў 8-11 класаў устаноў агульнай сярэдняй адукацыі і навучэнцаў устаноў сярэдняй спецыяльнай адукацыі прыняць удзел у алімпіядзе па журналістыцы «Медыя і я».
Алімпіяда праводзіцца з мэтай выяўлення ў вучняў творчых здольнасцей і цікавасці да журналістыкі і новых медыяў, падтрымкі адораных навучэнцаў і папулярызацыі ведаў у галіне журналістыкі і новых медыяў.
Алімпіяда праводзіцца ў два туры. Першы тур (завочны) праходзіць з 3 па 9 лістапада. У рамках дадзенага тура ўдзельнікам неабходна выканаць тэставыя заданні, якія вызначаць іх веды ў галіне журналістыкі. Па выніках завочнага тура будзе выбрана 40 удзельнікаў, якія прайшлі ў вочны этап алімпіяды, які пройдзе 22 лістапада.
Для ўдзелу неабходна да 3 лістапада даслаць заяўку на электронную пошту olimpiada.mediaiya_2025@mail.ru або зарэгістравацца па спасылцы. На ўказаны пры рэгістрацыі электронны адрас будзе адпраўлена спасылка для доступу да першага этапа алімпіяды.
Па выніках алімпіяды пераможцы і прызёры будуць узнагароджаны дыпломамі I, II, III ступені, а таксама дыпломамі ў намінацыях.
Больш падрабязную інфармацыю можна даведацца ў інфармацыйным лісце і па тэлефоне: +375295845584 (Viber, Telegram, WhatsApp). Кантактная асоба – Святлана Генрыкаўна Хвесько.
Гродзенскі дзяржаўны ўніверсітэт імя Янкі Купалы