Гродненский государственный университет имени Янки Купалы - Навукова-даследчыя лабараторыі і цэнтры

Інфраструктура навуковых даследаванняў і распрацовак універсітэта ўключае дзейныя навукова-даследчыя лабараторыі (НДЛ):

- НДЛ біяхіміі біялагічна актыўных рэчываў (вобласць дзейнасці - правядзенне навуковых даследаванняў, выпрабаванняў і распрацовак у галіне аналітычнай хіміі і біяхіміі прыродных злучэнняў, даследаванні механізмаў іх біялагічнага дзеяння);

- НДЛ функцыянальнай геномікі (вобласць дзейнасці - правядзенне навуковых даследаванняў, выпрабаванняў і распрацовак у галіне малекулярнай біялогіі, геномікі і транскрыптомікі);

- НДЛ аналітычнай рэнтгенаўскай і лазернай спектраскапіі (вобласць дзейнасці - правядзенне навуковых даследаванняў, выпрабаванняў і распрацовак у галіне рэнтгенаўскай і лазернай спектраскапіі рэчываў арганічнай і неарганічнай прыроды);

- НДЛ малекулярнай спектраскапіі і оптыкі нанаструктур (вобласць дзейнасці - правядзенне навуковых даследаванняў, выпрабаванняў і распрацовак у галіне малекулярнай спектраскапіі і нанатэхналогій);

– НДЛ радыяцыйнага матэрыялазнаўства (вобласць дзейнасці – правядзенне навуковых даследаванняў, выпрабаванняў і распрацовак у галіне матэрыялазнаўства, тэхналогій лазернай і радыяцыйнай мадыфікацыі паверхні вырабаў і фарміравання ахоўных пакрыццяў);

- НДЛ электрадынамікі і тэхнікі ЗВЧ (вобласць дзейнасці - правядзенне даследаванняў электрамагнітнага выпраменьвання аптычнага і ЗВЧ дыяпазонаў, выпрабаванняў і распрацовак у галіне святлонакіроўвалых матэрыялаў і пакрыццяў, функцыянальных элементаў для лазернай фізікі, оптаэлектронікі, мікрахвалевай тэхнікі і радыёфізікі);

– НДЛ палімерныя кампазіцыйныя матэрыялы (вобласць дзейнасці – правядзенне навуковых даследаванняў, выпрабаванняў і распрацовак у галіне фізіка-хіміі палімераў, нанаматэрыялаў і нанатэхналогій, 3D-мадэлявання і адытыўных тэхналогій);

– сумесную з УП "Цветліт" НДЛ "Уніліт" (вобласць дзейнасці – правядзенне навуковых даследаванняў у галіне фізіка-хіміі паверхневых з'яў, кампазіцыйных матэрыялаў і металапалімерных сістэм, а таксама распрацоўка новых рэсурсазберагальных і экалагічна чыстых матэрыялаў і тэхналогій);

– сумесную вучэбна-навукова-даследчую лабараторыю штучнага інтэлекту і камп'ютарнай бяспекі (вобласць дзейнасці – правядзенне навуковых даследаванняў у галіне штучнага інтэлекту, машыннага навучання, камп'ютарнай бяспекі і абароны даных, а таксама распрацоўка новых спосабаў і прынцыпаў выкарыстання сучасных IT-тэхналогій).