17 красавіка ў Гродзенскім дзяржаўным універсітэце імя Янкі Купалы завяршылася навучанне па адукацыйнай праграме павышэння кваліфікацыі «Упраўленне асобасным ростам кіраўніка» для работнікаў, якія знаходзяцца ў кадравым рэзерве.
Вучэбная праграма навучання складалася з пяці модуляў: «Асоба як аб'ект самакіравання», «Праблема самаразвіцця асобы ў псіхалогіі», «Прафесійная кар'ера кіраўніка», «Бар'еры на шляху прафесійнага росту», «Самаменеджмент як фактар асабістага росту кіраўніка».
Заняткі праводзіла аўтар курса, прафесар кафедры ўпраўлення і эканомікі вышэйшай школы Наталля Раманчык, кандыдат педагагічных навук, дацэнт, дзяржаўнай установы адукацыі «Рэспубліканскі інстытут вышэйшай школы».
Загадчык кафедры ўпраўлення і эканомікі вышэйшай школы Сяргей Алюнін, кандыдат гістарычных навук падзякаваў прафесары Наталлі Віктараўне за прафесіяналізм, а слухачам за плённую работу.
У сваю чаргу, слухачы курса падзякавалі Наталлі Раманчык за высокі ўзровень правядзення навучання, глыбокую прапрацоўку тэм і атрыманыя веды, якія стануць каштоўным рэсурсам для далейшага асобаснага і прафесійнага росту.
Гродзенскі дзяржаўны ўніверсітэт імя Янкі Купалы