Гродзенскі дзяржаўны ўніверсітэт імя Янкі Купалы ў чарговы раз стаў арэнай для праверкі матэматычных ведаў. Сёння, 8 красавіка, тут пачала працаваць штогадовая студэнцкая алімпіяда па матэматыцы. У спаборніцтве прынялі ўдзел 46 студэнтаў з чатырох факультэтаў: матэматыкі і інфарматыкі, фізіка-тэхнічнага, інжынернага і эканомікі і кіравання.
З прывітальным словам да ўдзельнікаў звярнуўся дэкан факультэта матэматыкі і інфарматыкі Андрэй Праневіч. Ён падзякаваў усім прысутным за ўдзел і адзначыў важнасць алімпіяды не толькі для студэнтаў, але і для універсітэта:
- «Для нас гэта важна, каб мы змаглі сфарміраваць каманду, якая будзе прадстаўляць нас на рэспубліканскім узроўні. Для вас гэта вельмі добрая магчымасць ацаніць свае сілы на фоне іншых удзельнікаў і праверыць веды, атрыманыя за час навучання ва ўніверсітэце».
Таксама да прысутных звярнулася намесніца дэкана факультэта матэматыкі і інфарматыкі Таццяна Ванькова. Яна выказала асаблівую ўдзячнасць студэнтам трэцяга курса, якія працягваюць прымаць удзел у алімпіядзе нягледзячы на тое, што профільныя матэматычныя дысцыпліны ў іх праграме амаль завяршыліся. Таццяна Мікалаеўна адзначыла, што сёлета ў алімпіядзе па матэматыцы бяруць удзел не толькі студэнты Рэспублікі Беларусь, але і студэнты з Туркменістана. Акрамя таго, у алімпіядзе ўдзельнічаюць студэнты першых курсаў. Перад пачаткам мерапрыемства яна пажадала ўсім удзельнікам удачы.
У рамках алімпіяды студэнтам трэба будзе вырашыць задачы, якія адпавядаюць прадметнай галіне "Матэматыка". Папярэднія звесткі, неабходныя ўдзельнікам для разумення і вырашэння заданняў алімпіяды, адпавядаюць дзеючым адукацыйным стандартам па спецыяльнасцях устаноў вышэйшай адукацыі Рэспублікі Беларусь і вучэбных праграмах па матэматычных дысцыплінах. Аднак акрамя тэарэтычных ведаў удзельнікам алімпіяды таксама неабходна прадэманстраваць свае лагічныя здольнасці і нестандартнае мысленне.
Гродзенскі дзяржаўны ўніверсітэт імя Янкі Купалы