20 сакавіка ў рамках праграмы спартакіяды ГрДУ імя Янкі Купалы-2025/2026 у Палацы творчасці дзяцей і моладзі адбыліся спаборніцтвы па плаванні. Мерапрыемства сабрала самых лепшых плыўцоў факультэтаў, гатовых пазмагацца за прызавыя месцы.
Спаборніцтвы праводзіліся сярод хлопцаў і дзяўчат у трох стылях - вольным, на спіне і брасам. Таксама спартсмены спаборнічалі ў эстафетным плаванні і камандным заліку.
Сярод дзяўчат у заплыве вольным стылем уладальнікам першага месца стала студэнтка 1 курса факультэта фізічнай культуры Дамініка Вашкевіч, другое месца заваявала студэнтка 1 курса факультэта біялогіі і экалогіі Лізавета Мацэвіч, трэцяе месца атрымала студэнтка 1 курса факультэта фізічнай культуры Анастасія Лазарчык.
У плаванні на спіне перамагла студэнтка 3 курса факультэта фізічнай культуры Лідзія Валкоўская, другой стала студэнтка 3 курса юрыдычнага факультэта Анастасія Ашурэк, а трэцяе месца атрымала студэнтка 4 курса філалагічнага факультэта Дзіяна Рэгіневіч.
У заплыве брасам сярод дзяўчат уладальнікам першага месца стала студэнтка 4 курса факультэта фізічнай культуры Кацярына Казак, другое месца атрымала студэнтка 2 курса інжынернага факультэта Вікторыя Брузга, а ўладальнікам трэцяга месца стала студэнтка 1 курса юрыдычнага факультэта Марыя Казыра.
У эстафетным плаванні перамагла каманда факультэта фізічнай культуры, уладальнікам другога месца стала каманда юрыдычнага факультэта, а трэцяга – каманда інжынернага факультэта.
У камандным заліку першае месца атрымала каманда факультэта фізічнай культуры, другое месца атрымала каманда юрыдычнага факультэта, а на трэцім месцы – каманда інжынернага факультэта.
У спаборніцтвах сярод хлопцаў у вольным стылі першае месца заваяваў студэнт 1 курса факультэта фізічнай культуры Мікіта Мікевіч. Уладальнікам другога месца стаў студэнт 3 курса ваеннага факультэта Дзмітрый Валадзько, а трэцяга – студэнт 2 курса факультэта фізічнай культуры Уладзіслаў Шаўко.
У заплыве на спіне пераможцам стаў студэнт 2 курса факультэта фізічнай культуры Аляксандр Хамко, другое месца атрымаў студэнт 2 курса ваеннага факультэта Глеб Мілейка, на трэцім месцы апынуўся студэнт 3 курса факультэта матэматыкі і інфарматыкі Цімафей Гейба.
У спаборніцтвах брасам першага месца ўдастоіўся студэнт 1 курса ваеннага факультэта Аляксандр Свякло, уладальнікам другога месца стаў студэнт 1 курса ваеннага факультэта Глеб Міхалевіч, трэцяе месца атрымаў студэнт 3 курса інжынернага факультэта Міраслаў Дзябелаў.
У эстафетным заплыве першае месца заваявала каманда ваеннага факультэта, другое месца – каманда факультэта фізічнай культуры, а трэцяе месца атрымала каманда інжынернага факультэта.
У камандным заліку першай стала каманда ваеннага факультэта, другой - каманда факультэта фізічнай культуры, а трэцяй – каманда інжынернага факультэта.
Гродзенскі дзяржаўны ўніверсітэт імя Янкі Купалы