4 і 5 сакавіка ў спартыўнай зале галоўнага корпуса Гродзенскага дзяржаўнага ўніверсітэта імя Янкі Купалы панаваў дух спартыўнага саперніцтва. Тут прайшлі спаборніцтвы па настольным тэнісе сярод факультэтаў. У турніры прынялі ўдзел як мужчынскія, так і жаночыя каманды.
Па выніках напружанай барацьбы сярод мужчынскіх каманд золата заваявала каманда інжынернага факультэта, прадэманстраваўшы зладжаную працу і волю да перамогі. Уладальнікам другога месца стала каманда факультэта эканомікі і кіравання, паказаўшы прысутным высокі ўзровень падрыхтоўкі. Трэцяе месца заняла каманда факультэта матэматыкі і інфарматыкі, прадэманстраваўшы свае навыкі.
Сярод жаночых каманд першае месца заваявала каманда факультэта фізічнай культуры, тым самым пацвердзіўшы сваю выдатную спартыўную падрыхтоўку. Другое месца атрымала каманда факультэта мастацтваў і дызайну, прадэманстраваўшы, што студэнты факультэта маюць не толькі творчыя здольнасці, але і высокія спартовыя навыкі. Трэцяе месца заняла каманда філалагічнага факультэта, чые спартсменкі паказалі неверагодную стойкасць і жаданне перамагчы.
Дадзенае спаборніцтва стала не толькі важным крокам у развіцці студэнцкага спорту і папулярызацыі здаровага ладу жыцця, але і з'яднала купалаўцаў, умацаваўшы іх спартыўны дух.
Гродзенскі дзяржаўны ўніверсітэт імя Янкі Купалы