17 снежня ў Гродзенскім дзяржаўным універсітэце імя Янкі Купалы адбылося пасяджэнне Савета маладых вучоных, на якім былі падведзены вынікі работы за 2025 год і зацверджаны новы склад савета.
Важным момантам на парадку дня было абранне новага намесніка старшыні Савета маладых вучоных. Ім стаў Іван Ярмак, выкладчык кафедры сучасных тэхналогій праграмавання факультэта матэматыкі і інфарматыкі.
Потым удзельнікі пасяджэння падвялі вынікі працы за 2025 год. Савет маладых вучоных актыўна прымаў удзел і арганізоўваў розныя мерапрыемствы. За 2025 год члены савета правялі дыялогавую пляцоўку да Дня беларускай навукі, выставу «Навука і інавацыі: дасягненні 2024» у Купалаўскім універсітэце, выступілі суарганізатарамі рэспубліканскага конкурсу «ТэхнаІнтэлект», Хакатона #ЭкаЛіно2024 і Хакатона па рашэнні бізнес-задач, запусцілі ўласны падкаст «Аб навуцы мовай навукі», сталі суарганізатарамі IV Форума інавацый і ідэй «ІнаФэст-2025» і конкурсу стартапаў «ІнНаСтарт-2025». Таксама на працягу адыходзячага года члены Савета маладых вучоных прымалі ўдзел у выставах, навуковых форумах, дыялогавых пляцоўках і неаднаразова станавіліся ўдзельнікамі ток-шоу «Вокны горада».
Завяршылася пасяджэнне абмеркаваннем вынікаў падрыхтоўкі Гродзенскага дзяржаўнага ўніверсітэта імя Янкі Купалы да конкурсу «100 ідэй для Беларусі». На гэтую тэму выступіў старшыня Савета маладых вучоных Барыс Балахонаў.
Гродзенскі дзяржаўны ўніверсітэт імя Янкі Купалы