10 снежня ў Гродзенскім дзяржаўным універсітэце імя Янкі Купалы прайшлі спаборніцтвы па паўэрліфтынгу, арганізаваныя ў рамках праграмы круглагадовай спартакіяды-2025/2026.
Падчас спаборніцтваў спартсмены-купалаўцы дэманстравалі свае спартыўныя навыкі ў класічных дысцыплінах паўэрліфтынгу: прысяданні са штангай на плячах, жым лежачы і станавая цяга штангі.
Па выніках напружаных спаборніцтваў першае месца заняла каманда інжынернага факультэта, якая набрала найбольшую колькасць балаў. Другое месца заваявала каманда факультэта фізічнай культуры, якая прадэманстравала высокі ўзровень падрыхтоўкі. На трэцім месцы аказалася каманда ваеннага факультэта, якая паказала зладжаную працу.
Купалаўскі універсітэт віншуе каманды з заслужанымі ўзнагародамі, а ўсіх удзельнікаў – з паспяховым выступленнем!
Гродзенскі дзяржаўны ўніверсітэт імя Янкі Купалы