У рамках асваення практычнага боку сваёй прафесіі, студэнты 4 курса юрыдычнага факультэта наведалі Гродзенскі міжраённы аддзел Дзяржаўнага камітэта судовых экспертыз. Мерапрыемства прайшло ў суправаджэнні дацэнта кафедры крымінальнага права, крымінальнага працэсу і крыміналістыкі Рыгора Траццякова.
У рамках мерапрыемства студэнты пазнаёміліся з гісторыяй і структурай Дзяржаўнага камітэта судовых экспертыз і асаблівасцямі правядзення дактыласкапічнай, почырказнаўчай экспертыз і тэхнічнай экспертызы дакументаў.
Асаблівая ўвага ў ходзе сустрэчы была ўдзелена тэме працаўладкавання. Начальнік Гродзенскага міжраённага аддзела Дзяржаўнага камітэта судовых экспертыз, падпалкоўнік юстыцыі Сяргей Рамук правёў са студэнтамі прафарыентацыйную гутарку, дзе расказаў аб асаблівасцях прыёму і праходжання службы ў органах Дзяржаўнага камітэта судовых экспертыз.
Гродзенскі дзяржаўны ўніверсітэт імя Янкі Купалы