З 10 па 15 лістапада ў рамках праграмы «Запрошаны прафесар» Купалаўскі ўніверсітэт прыняў Наталлю Пазнякову, доктара біялагічных навук, вядучага навуковага супрацоўніка лабараторыі экалагічнай біятэхналогіі Інстытута біяхіміі і фізіялогіі раслін і мікраарганізмаў, адасобленага структурнага падраздзялення Федэральнай дзяржаўнай бюджэтнай ўстановы навукі Федэральнага даследчага цэнтра "Саратаўскі навуковы цэнтр Расійскай акадэміі навук".
Наталля Пазнякова прачытала серыю лекцый для студэнтаў і магістрантаў спецыяльнасцей "Фундаментальная і прыкладная біятэхналогія", "Біяхімія", "Біялогія" і "Экалогія", у рамках курсаў "Мікрабіялогія", "Агульная і экалагічная мікрабіялогія" і "Прыкладная мікрабіялогія".
Лекцыі Наталлі Мікалаеўны ахоплівалі вывучэнне метабалічных шляхоў і ключавых ферментаў, якія ўдзельнічаюць у мікробнай дэградацыі нафтавых вуглевадародаў, поліцыклічных араматычных вуглевадародаў, пестыцыдаў і іншых палютантаў. Таксама былі разгледжаны іх асацыяцыі і сімбіёзы з раслінамі і сучасныя тэхналогіі біярэмедыяцыі (уключаючы фіта- і мікарэмедыяцыю) забруджаных прыродных і гаспадарчых аб'ектаў.
Апроч актыўнай адукацыйнай дзейнасці, Наталля Пазнякова правяла шэраг сустрэч з кіраўніцтвам і прафесарска-выкладчыцкім складам факультэта біялогіі і экалогіі. У ходзе дыскусій былі абмеркаваны ключавыя напрамкі далейшага навуковага і вучэбна-метадычнага супрацоўніцтва паміж Гродзенскім дзяржаўным універсітэтам імя Янкі Купалы і Інстытутам біяхіміі і фізіялогіі раслін і мікраарганізмаў, адасобленага структурнага падраздзялення Федэральнай дзяржаўнай бюджэтнай установы навукі Федэральнага даследчага цэнтра "Саратаўскі навуковы цэнтр Расійскай акадэміі навук".
Візіт доктара біялагічных навук Наталлі Пазняковай стаў значнай падзеяй для факультэта біялогіі і экалогіі, садзейнічаючы каштоўнаму абмену ведамі, вопытам і ўмацаванню міжнародных навуковых сувязей паміж біятэхнолагамі Беларусі і Расіі.
Гродзенскі дзяржаўны ўніверсітэт імя Янкі Купалы