Факультэт гісторыі, камунікацыі і турызму Гродзенскага дзяржаўнага ўніверсітэта імя Янкі Купалы запрашае студэнтаў і магістрантаў прыняць удзел у III рэспубліканскай студэнцкай навукова-практычнай канферэнцыі «Час гісторыі – час гісторыка», якая адбудзецца 22 кастрычніка 2025 года.
Праблемнае поле канферэнцыі прадугледжвае наступныя напрамкі: гістарыяграфія і крыніцазнаўства, гісторыя і сучасны стан археалагічных даследаванняў, гісторыя старажытнага свету і сярэдніх вякоў, гісторыя новага і найноўшага часу, гістарычная памяць: традыцыі і сучасныя практыкі.
Канферэнцыя пройдзе ў вочнай і завочнай форме. Мовы канферэнцыі - руская, беларуская і англійская.
Для ўдзелу ў канферэнцыі неабходна да 15 кастрычніка 2025 года даслаць заяўку на электронную пошту meleshko_ei@grsu.by.
Па выніках канферэнцыі будзе падрыхтаваны зборнік навуковых прац, які пройдзе дэпанаванне. Электронная версія зборніка будзе размешчана на сайце факультэта гісторыі, камунікацыі і турызму ГрДУ імя Янкі Купалы.
З больш падрабязнай інфармацыяй можна азнаёміцца па спасылцы.
Гродзенскі дзяржаўны ўніверсітэт імя Янкі Купалы