Святочныя мерапрыемствы пройдуць 5 і 6 верасня пад дэвізам «Гродна=каханне». Лакацыі свята будуць апаясваць сабой гістарычны цэнтр горада: гэта плошчы Савецкая і Леніна, парк Жылібера, пешаходная вуліца Савецкая і тэрыторыя каля Маладзёжнага цэнтра.
У пятніцу, 5 верасня, цыкл мерапрыемстваў пачнецца з цырымоніі ўскладання кветак да брацкай магілы савецкіх воінаў і партызан у парку Жылібера. Далей урачыстае мерапрыемства адбудзецца ў абласной філармоніі.
У гэты дзень купалаўцы могуць стаць сведкамі адкрыцця новай пліты на «Алеі кіно». А ўжо вечарам у Швейцарскай даліне гараджане збяруцца на фестываль ліхтарыкаў.
Другі дзень стане кульмінацыйным днём святкавання. Плошча Леніна выступіць асноўнай лакацыяй, дзе разгорнецца фуд-корт пад адкрытым небам і сувенірны гандаль. Купалаўцаў чакае і сырны фестываль з дэгустацыяй. Увечары ўсіх гродзенцаў пацешаць сваім выкананнем народныя артысты, а таксама хэдлайнер вечара - расійская выканаўца Мары Краймбреры. Завершыцца святочны цыкл мерапрыемстваў феерычным салютам!
Купалаўцы, давайце разам станем часткай свята нашага прыгожага і любімага горада!
Гродзенскі дзяржаўны ўніверсітэт імя Янкі Купалы