Адукацыйны праект па вывучэнні рускай мовы замежнымі студэнтамі праходзіў у Купалаўскім універсітэце з 21 ліпеня па 8 жніўня.
На працягу трох тыдняў рабяты з Іспаніі і Кітая не толькі актыўна вывучалі рускую мову, але і ўдзельнічалі ў розных мерапрыемствах насычанай культурна-адукацыйнай праграмы.
У першы тыдзень працы школы рабяты прыступілі да заняткаў па рускай мове, асвоілі праграму дадатковых курсаў па выбары: «Лінгвакраіназнаўства», «Дзелавая руская мова», «Караоке па-руску». Таксама замежныя грамадзяне пазнаёміліся з культурным абліччам горада Гродна, наведаўшы Лютэранскую кірху і Барысаглебскую царкву.
У другі тыдзень работы культурна-адукацыйнага праекта слухачы прынялі ўдзел у майстар-класе і навучыліся гатаваць стравы беларускай кухні. Таксама для рабят правялі інтэрнацыянальны вечар, дзе яны змаглі бліжэй пазнаёміцца адзін з адным. Замежныя студэнты наведалі музей лялечнага тэатра, Стары і Новы замак, пабывалі ў Фарным касцёле.
Фінальны тыдзень запомніўся майстар-класам па вырабе беларускага сувеніра, а таксама экскурсіяй на тэлерадыёвяшчальны канал "Гродна Плюс", дзе ўдзельнікі змаглі паспрабаваць сябе ў ролі тэле- або радыёвядучых. А ў рамках праграм выхаднога дня слухачы Летняй школы наведалі лесапарк "Пышкі" і Аўгустоўскі канал. Традыцыйна ўдзельнікі наведалі прадпрыемства "Мядовы шлях" з дэгустацыяй сапраўднага беларускага мёду.
Пасля заканчэння Летняй школы рускай мовы замежныя госці атрымалі сертыфікаты. Без увагі не засталіся і валанцёры. Тых, хто штодня былі побач і дапамагалі ў розных сітуацыях, узнагародзілі лістамі падзякі.
Гродзенскі дзяржаўны ўніверсітэт імя Янкі Купалы