2 жніўня ўдзельнікі Летняй школы рускай мовы змаглі пазнаёміцца з працэсам вытворчасці мёду, пабываўшы на прадпрыемстве "Мядовы шлях". Для іх арганізавалі экскурсію пад назвай "Шлях пчалы".
Удзельнікі Летняй школы пагрузіліся ў гісторыю пчалярства, убачыўшы, як змяняліся пчаліныя хаткі: ад борці да сучаснага вулля. Таксама кожны змог паспрабаваць сябе ў ролі пчаляра - студэнтам паказалі, як працаваць з дымаром і медагонкай.
Падчас экскурсіі студэнтам раскрылі сакрэты вытворчасці мёда з самымі рознымі дадаткамі - ад журавін і чарніц да імбіру і прополісу - і далі магчымасць зрабіць дэкаратыўную свечку з натуральнай вашчыны сваімі рукамі.
Завяршылася экскурсія дэгустацыяй больш за дзесяць відаў мёду.
Гэтая экскурсія дазволіла ўдзельнікам Летняй школы рускай мовы не толькі палепшыць свае моўныя навыкі і атрымаць прыемны сувенір, але і яшчэ больш даведацца пра Гродзенскую вобласць.
Гродзенскі дзяржаўны ўніверсітэт імя Янкі Купалы