Вынікам удзелу ў конкурсе стаў дыплом і каштоўны прыз. Цырымонія ўзнагароджання прайшла сёння, 9 ліпеня, у Мінску.
Фінальны этап Рэспубліканскага конкурсу праходзіў з 10 па 13 чэрвеня, падчас якога інтэрнат Купалаўскага ўніверсітэта наведалі члены журы. У склад журы ўвайшлі прадстаўнікі Беларускага прафесійнага камітэта работнікаў адукацыі і Міністэрства адукацыі Рэспублікі Беларусь. Камісія ацэньвала ўмовы пражывання і інфраструктуру, культурна-масавыя і спартыўныя мерапрыемствы, работу студэнцкага супраўлення, эстэтыку і санітарны стан інтэрната.
Старшыня студэнцкай рады інтэрната, студэнт факультэта біялогіі і экалогіі Уладзімір Каральчук правёў судзейскую калегію па жылых пакоях, кухнях, трэнажорнай зале і зале аэробікі. Падчас адзнакі конкурсная камісія таксама сустрэлася са студэнтамі, якія распавялі, чаму менавіта іх інтэрнат годна атрымаць званне лепшага.
Конкурс быў арганізаваны Беларускім прафесійным саюзам работнікаў адукацыі і навукі, Міністэрствам адукацыі Рэспублікі Беларусь, Маладзёжнай радай Прафсаюза і дзяржаўнай установай адукацыі «Рэспубліканскі інстытут вышэйшай школы» з мэтай паляпшэння ўмоў пражывання ў інтэрнатах і развіцця студэнцкага супраўлення.
Гродзенскі дзяржаўны ўніверсітэт імя Янкі Купалы