У іспытах могуць удзельнічаць мадэратары праекта «Адкрытае навучанне», а таксама педагагічныя работнікі універсітэта, якія аформілі заяўкі ў ініцыятыўным парадку. Конкурснае выпрабаванне праводзіцца на працягу каляндарнага года.
Падчас іспытаў канкурсанты дэманструюць навукова абгрунтаваныя рашэнні прыярытэтных задач сістэмы вышэйшай школы, аналізуюць заняткі з выкарыстаннем інавацыйных метадаў навучання.
Для ўдзелу ў конкурсе неабходна падаць навукова-метадычны артыкул або метадычную распрацоўку навучальных заняткаў у рэдакцыю электроннага навукова-метадычнага часопіса «Універсітэт адукацыйных інавацый». Ацэньванне навукова-метадычнага артыкула ажыццяўляецца па чатырох крытэрыях: актуальнасць, навуковая навізна, практычная каштоўнасць даследавання, абгрунтаванасць высноў. Максімальная адзнака – 40 балаў.
Пры ацэньванні метадычнай распрацоўкі навучальнага занятку ўлічваюцца наступныя крытэрыі: вызначэнне мэты занятку, уцягванне студэнтаў у працэс навучання, прымяненне інавацыйных форм і метадаў навучання, забеспячэнне зваротнай сувязі. Максімальная адзнака – 40 балаў.
Працэс ацэньвання работ праходзіць з дапамогай электронных чэк-лістоў на сайце часопіса ў месцы размяшчэння інфармацыі аб навукова-метадычных артыкулах і метадычных распрацоўках навучальных заняткаў канкурсантаў.
Падрабязную інфармацыю аб конкурсе можна знайсці на сайце электроннага навукова-метадычнага часопіса «Універсітэт адукацыйных інавацый».
Гродзенскі дзяржаўны ўніверсітэт імя Янкі Купалы