З 10 ліпеня ў ГрДУ імя Янкі Купалы стартуе рэспубліканская акцыя па добраўпарадкаванні і азеляненні тэрыторый «Кветкі дабра». Асноўная мэта гэтай акцыі – фарміраванне экалагічнай культуры навучэнцаў праз рэалізацыю праектаў па азеляненні і добраўпарадкаванні. Прыняць удзел могуць творчыя калектывы педагогаў і навучэнцаў устаноў агульнай сярэдняй адукацыі, устаноў сярэдняй спецыяльнай, вышэйшай, прафесійна-тэхнічнай і спецыяльнай адукацыі, устаноў дадатковай адукацыі дзяцей і моладзі.
Акцыя ўключае некалькі намінацый:
– у намінацыі «Творым дабро» ўдзельнікі змогуць стварыць кветкавыя кампазіцыі для добраўпарадкавання дзіцячых садоў, бальніц і іншых устаноў;
– намінацыя «Наша спадчына» прадугледжвае выраб малых архітэктурных форм, якія адлюстроўваюць славутасці асобных абласцей, выкананых з розных матэрыялаў;
– у рамках намінацыі «Экапарк «Мая Беларусь» удзельнікі, якія прадстаўляюць установы дадатковай адукацыі, будуць ствараць экапаркі, якія складаюцца з модульных кветнікаў і малой архітэктурнай формы;
– у намінацыі «Вечная памяць героям» мяркуецца добраўпарадкаванне памятных мясцін, звязаных з падзеямі Вялікай Айчыннай вайны, з прадастаўленнем справаздач у выглядзе прэзентацый і фотаматэрыялаў.
Заяўкі для ўдзелу прымаюцца да 7 ліпеня на адрас электроннай пошты: csi@grsu.by. Азнаёміцца з умовамі ўдзелу і скачаць форму заяўкі можна па спасылцы.
Для атрымання больш падрабязнай інфармацыі звяртайцеся ва ўпраўленне па ідэалагічнай і выхаваўчай рабоце (вул. Ажэшкі, 22, каб. 308) або па тэлефоне 39 72 09 (+375 29 2789585). Далучайцеся да акцыі і ўнясіце свой уклад у азеляненне і добраўпарадкаванне нашай краіны!
Гродзенскі дзяржаўны ўніверсітэт імя Янкі Купалы