Мерапрыемства для школьнікаў, абітурыентаў і іх бацькоў праходзіць з 13 па 15 лютага ў Палацы мастацтва ў Мінску.
Як распавялі арганізатары, больш за 11 000 выпускнікоў школ, бацькоў, абітурыентаў, студэнтаў, маладых спецыялістаў штогод у лютым месяцы наведваюць міжнародную спецыялізаваную выставу "Адукацыя і кар'ера" з мэтай атрымання адказу на пытанне: кім стаць і куды пайсці вучыцца?
У выставе прымаюць удзел універсітэты, каледжы, ліцэі, інстытуты паслядыпломнай адукацыі, адукацыйныя цэнтры, школы па вывучэнні замежных моў, замежныя ВНУ. Будучыя абітурыенты змогуць вызначыцца або пазнаёміцца з ужо абраным універсітэтам, даведацца аб спектры адукацыйных паслуг у беларускіх вышэйшых навучальных установах і іншых краінах. Экспазіцыі накіраваны на студэнтаў і выпускнікоў, якія плануюць атрымаць другую вышэйшую адукацыю: прадстаўнікі ўніверсітэтаў прадставяць праграмы дадатковай і паслядыпломнай адукацыі, курсы па павышэнні кваліфікацыі і раскажуць аб правілах прыёму для тых, хто паступае на другую вышэйшую. На выставе таксама прадстаўлены адукацыйныя цэнтры і моўныя курсы.
На пляцоўцы Гродзенскага дзяржаўнага ўніверсітэта імя Янкі Купалы будучыя абітурыенты і іх бацькі змогуць даведацца пра адукацыйную, навуковую, творчую і спартыўную дзейнасць установы, атрымаць больш падрабязную інфармацыю пра факультэты і спецыяльнасці, правілы прыёму ва ўніверсітэт. Акрамя таго, дзеці змогуць пагутарыць з выкладчыкамі і кіраўнікамі навучальных кірункаў.
Таксама працуюць стэнды замежных партнёраў. У гэтым годзе на пляцоўцы Германіі, Літвы, Польшчы, Расіі, Францыі, Чэхіі і Швейцарыі можна даведацца пра асаблівасці паступлення, магчымасці навучання, візавай падтрымцы і акадэмічным абмене студэнтамі.
Гродзенскі дзяржаўны ўніверсітэт імя Янкі Купалы