З 22 па 26 красавіка ў Купалаўскім універсітэце прайшоў тыдзень факультэта біялогіі і экалогіі. Займальныя інтэлектуальныя гульні і спаборніцтвы, конкурс грацыі і прыгажосці "Міс і Містар факультэт біялогіі і экалогіі", а таксама музычная віктарына аб'ядналі студэнтаў і выкладчыкаў у калейдаскопе яркіх падзей.
Цыкл мерапрыемстваў быў адкрыты акцыяй «Біяфак у сэрцы», у рамках якой студэнты, супрацоўнікі і выкладчыкі факультэта змаглі выказаць сваю любоў да Alma-mater.
На цырымоніі адкрыцця Тыдня факультэта з прывітальным словам выступіла дэкан факультэта біялогіі і экалогіі Вольга Янчурэвіч, якая пажадала рабятам прадуктыўнага і актыўнага тыдня, поўнага яркіх эмоцый і падзей і адкрыла Тыдзень інтэлектуальнай віктарынай "Квіз ад дэкана".
У мерапрыемстве прынялі ўдзел 11 каманд трох факультэтаў: факультэта біялогіі і экалогіі, факультэта псіхалогіі і юрыдычнага факультэта. Падчас гульні хлопцы змаглі праверыць свае веды ў розных сферах жыццядзейнасці чалавека і пазмагаліся за званне лепшага эрудыта.
У гэты ж дзень прайшло мерапрыемства ў фармаце ток-шоу "100 пытанняў выкладчыку" або "Як стаць вядомым вучоным?": адкрыты дыялог студэнтаў з выдатным вучоным, доктарам біялагічных навук, прафесарам Іллём Заводнікам. Ілля Барысавіч падзяліўся са студэнтамі думкамі і ідэямі, расказаў аб сваім станаўленні як вучонага, заўважыў, што першапачаткова не планаваў звязаць сваё жыццё з навукай і хацеў стаць лётчыкам, але стаў вучоным сусветнага ўзроўню.
23 красавіка старшы выкладчык кафедры тэхналогіі, фізіялогіі і гігіены харчавання Наталля Сычэўская правяла майстар-клас па фудстайлінгу для ўсіх жадаючых. У рамках дадзенага майстар-класа студэнты пазнаёміліся з асновамі і прыёмамі фуд-стылістаў для дэкарыравання і паляпшэння ўласных кампазіцый. Мерапрыемства запомнілася ўсім прыемнай атмасферай і пакінула шмат станоўчых уражанняў.
Яшчэ адным традыцыйным мерапрыемствам біяфака стала музычная віктарына "Угадай мелодыю", якая адбылася 23 красавіка.
На гэты раз віктарына сабрала 13 каманд розных структурных падраздзяленняў універсітэта: факультэта біялогіі і экалогіі, філалагічнага факультэта, юрыдычнага факультэта і ўпраўлення выхаваўчай работай з моладдзю. Камандам прыйшлося ўзгадаць музычныя кампазіцыі, звязаныя з біялагічнай тэматыкай.
24 красавіка адбылася галоўная падзея Тыдня факультэта біялогіі і экалогіі - конкурс акцёрскага майстэрства, творчасці і прыгажосці "Міс і Містэр факультэт - 2024. Перазагрузка".
Конкурс грацыі, творчасці і прыгажосці падарыў гледачам незабыўныя эмоцыі: смех і слёзы, авацыі і супакаенне. Ад маляўнічых і дынамічных творчых нумароў у прысутных у зале замірала дыханне. Уладальнікамі тытулаў "Міс факультэт" і "Містэр факультэт" сталі студэнты 1 курса Паліна Якаўчык і Уладзіслаў Навічонак.
Студэнты факультэта біялогіі і экалогіі не пакінулі без увагі і чатырохногіх сяброў. У межах Тыдня факультэта актывісты наведалі прытулак для бяздомных жывёл “Адданае сэрца”.
Валанцёры дапамаглі з выгулам сабак, чаму маленькія жыхары прытулку былі асабліва рады. На сродкі, якія былі сабраны падчас акцыі «Шанец на выратаванне», былі набытыя смакаты і павадкі для жывёл, якія ўтрымліваюцца ў прытулку.
Гродзенскі дзяржаўны ўніверсітэт імя Янкі Купалы