На «Міжнародным Менскам трыятлоне - 2026» дэкан факультэта фізічнай культуры Купалаўскага ўніверсітэта Віталь Храмаў заняў першае месца ва ўзроставай групе 50+ на дыстанцыі 5 км па плаванні на адкрытай вадзе. Маштабная спартыўная падзея праходзіла з 24 па 26 ліпеня на тэрыторыі аквапарку "Лябяжы" і ў акваторыі вадасховішча Дразды. Спаборніцтвы аб'ядналі больш за 3 тысячы аматараў спорту з 13 краін.У гэтым годзе фестываль упершыню ў сваёй гісторыі прадставіў удзельнікам самую складаную дыстанцыю – Ironman ("поўную"). Найбольш цягавітыя спартсмены пераадолелі экстрэмальны маршрут: заплыў на 3,8 км, велагонку на 180 км і марафонскі забег на 42,2 км.
Апроч экстрэмальнай гонкі, праграма мерапрыемства ўключала бегавыя старты і заплывы на адкрытай вадзе на 750, 3000 і 5000 метраў. Самая працяглая плавальная дыстанцыя - 5-кіламетровы заплыў "Пасейдон" - стала адной з ключавых дысцыплін спаборніцтваў, запатрабаваўшы ад атлетаў максімальнай цягавітасці і падрыхтоўкі.
Гэтая перамога яскрава даказвае, што факультэт фізічнай культуры ГрДУ імя Янкі Купалы ўзначальваюць прызнаныя прафесіяналы сваёй справы, чый асабісты прыклад задае вышэйшую планку для падрыхтоўкі будучых спецыялістаў.
Віншуем Віталя Уладзіміравіча з паспяховым выступленнем і яскравай перамогай, жадаем далейшых высокіх спартыўных дасягненняў і новых прафесійных поспехаў!
