Конкурс праходзіў з 30 красавіка па 15 траўня на базе Вышэйшай школы менеджменту Ціхаакіянскага дзяржаўнага ўніверсітэта. Да ўдзелу дапускаліся пісьмовыя навукова-даследчыя работы, завершаныя ў бягучым навучальным годзе і прадстаўленыя на конкурс упершыню.

Конкурс праводзіўся па дзевяці напрамках: ESG-трансфармацыя і ўстойлівае развіццё; тэхналагічнае прадпрымальніцтва і інавацыі; бізнес-планаванне і інвестыцыйнае праектаванне; бізнес-ідэя: ад задумы да ўвасаблення; кадравы патэнцыял бізнэсу: новыя выклікі і эфектыўныя рашэнні; сучасныя бізнес-мадэлі і стратэгіі прадпрымальніцтва; бізнес ва ўмовах турбулентнасці: адаптацыя і ўстойлівасць; кіраванне ва ўмовах лічбавай трансфармацыі; тэндэнцыі развіцця лагістыкі і кіравання ланцугамі паставак.

Работы ацэньваліся па адпаведнасці зместу работы напрамках конкурсу, тэарэтычнай прапрацоўцы тэмы даследавання, актуальнасці інфармацыйнай базы даследавання, асабістаму ўкладу аўтара ў вырашэнне пастаўленай задачы, лагічнасці выкладу матэрыялу і якасці афармлення.

Па выніках конкурсу студэнтка трэцяга курса спецыяльнасці «Транспартная лагістыка» інжынернага факультэта ГрДУ імя Янкі Купалы Аляксандра Антановіч стала ўладальнікам дыплома III ступені ў намінацыі «Тэндэнцыі развіцця лагістыкі і кіравання ланцугамі паставак». Навуковым кіраўніком выступіў доктар фізіка-матэматычных навук Вадзім Хартоўскі.

Віншуем Аляксандру Антановіч і жадаем далейшых навуковых дасягненняў!