Спікерам мерапрыемства выступіць старшы выкладчык кафедры рускай філалогіі Алена Сняжко. Яна падзеліцца з удзельнікамі ўласным вопытам праектавання фонду ацэначных сродкаў на аснове ШІ і яго інтэграцыяй з Адукацыйным парталам, а таксама тэхнікай масавай загрузкі.

У рамках занятку ўдзельнікі асвояць фарматы Aiken і GIFT, якія дазваляюць загружаць на Адукацыйны партал сотні заданняў адным клікам – ад простых тэстаў да кейсаў і эсэ, а таксама даведаюцца межы дастасавальнасці штучнага інтэлекту. Алена Сняжко раскажа, у якой працы нейрасетка бяссільная, што такое «галюцынацыі» мадэляў (калі алгарытм выдае прыгожы, але ілжывы адказ), а таксама як выкладчыку верыфікаваць згенераваны кантэнт, не губляючы часу.

Занятак пройдзе па адрасе: вул. Ажэшкі, 22, аўд. 220 у 15:05.

Запрашаем усіх жадаючых навучыцца выкарыстоўваць нейрасеткі на карысць сваёй працы!