Першы дзень Міжнароднага грамадзянска-патрыятычнага марафону завяршыўся на самай цёплай і смачнай ноце. Вечар знаёмстваў прайшоў у Маладзёжным цэнтры «Гродна» і стаў сапраўдным святам сяброўства і адзінства.Галоўным сюрпрызам вечара стаў традыцыйны торт ад рэктара Купалаўскага ўніверсітэта Ірыны Кітурка. Запаветны першы кавалачак дастаўся Ірыне Хоміч, студэнтцы Віцебскага дзяржаўнага тэхналагічнага ўніверсітэта, якая ў гэты дзень адзначае дзень нараджэння.
За настрой вечарыны адказвалі лепшыя творчыя калектывы Гродзенскага дзяржаўнага ўніверсітэта імя Янкі Купалы. Песні, танцы і жывыя зносіны дапамаглі камандам з Беларусі і Расіі стаць адной вялікай сям'ёй.
Напрыканцы вечарыны ўдзельнікі падрыхтавалі сюрпрыз у адказ – запісалі відэапрывітанне рэктару Ірыне Фёдараўне, што стала сімвалам падзякі за гасціннасць і неверагодную атмасферу марафону.
