19 лютага ў Купалаўскім універсітэце адбыўся Адзіны дзень інфармавання, прысвечаны абарончай моцы беларускай арміі і патрыятызму ў сучасных умовах. Начальнік агульнавайсковай кафедры ваеннага факультэта ГрДУ імя Янкі Купалы Андрэй Сямёнаў выступіў з дакладам перад супрацоўнікамі ўніверсітэта.Тэмай Адзінага дня інфармавання ў лютым 2026 года стала «Абарончая моц беларускага войска і патрыятызм у сучасных умовах».
Андрэй Андрэевіч у сваім выступленні падкрэсліў ролю кампактнай, прафесійна падрыхтаванай арміі ў забеспячэнні бяспекі дзяржавы ва ўмовах складанай ваенна-палітычнай абстаноўкі. Былі асветлены дасягненні ў развіцці айчыннага ваенна-прамысловага комплексу, эфектыўная сістэма падрыхтоўкі ваенных кадраў і важнасць патрыятычнага выхавання моладзі. На сённяшні дзень у Беларусі створана самадастатковая сістэма падрыхтоўкі ваенных кадраў. Адукацыю ў ваеннай сферы можна атрымаць у профільных ліцэях, у Сувораўскім і Кадэцкім вучылішчы, у Ваеннай акадэміі Рэспублікі Беларусь, на шасці ваенных факультэтах, у тым ліку ў ГрДУ імя Янкі Купалы, а таксама ў Ваенна-медыцынскім інстытуце ў БДМУ і на ваенных кафедрах.
Андрэй Сямёнаў падкрэсліў, што Узброеныя Сілы Рэспублікі Беларусь - ключавы элемент стратэгічнага стрымлівання, які надзейна абараняе суверэнітэт, тэрытарыяльную цэласнасць і мірнае жыццё краіны.
