Студэнты 3 курса спецыяльнасці «Экалогія» факультэта біялогіі і экалогіі Дар'я Кротава і Мікіта Галаган, а таксама студэнтка 2 курса спецыяльнасці «Экалогія» Марыя Таўкач прынялі ўдзел у навукова-адукацыйным трэку «Роля акіяна ў вугляродным цыкле» у рамках Усерасійскай навуковай школы «Зімовая школа Плывучага ўніверсітэта» ў горадзе Санкт-Пецярбург. Купалаўцы прайшлі адборачны тур і былі запрошаны для ўдзелу ў рабоце Зімовай школы «Плавучы ўніверсітэт».Праграма школы была насычанай. Студэнты ГрДУ імя Янкі Купалы праслухалі цыкл лекцый і прынялі ўдзел у практыкумах, прысвечаных карбанатнай сістэме, дзе адпрацавалі сучасныя аналітычныя метады правядзення даследаванняў. Таксама падчас навучання купалаўцы асвоілі методыку спадарожнікавага маніторынгу змяненняў колеру акіяна, а таксама навучыліся візуалізаваць і аналізаваць палі хларафіла-а з выкарыстаннем прафесійнага праграмнага забеспячэння MATLAB.
Арганізатары надалі асаблівую ўвагу і акадэмічнай адукацыі. Удзельнікі навучальнай праграмы атрымалі практычныя навыкі афармлення навуковых артыкулаў па экалогіі і даведаліся аб патрабаваннях для ўдзелу ў марскіх экспедыцыях.
Кульмінацыяй Зімовай школы Плывучага ўніверсітэта стаў Акіяналагічны квіз, дзе ўдзельнікі правяралі наяўныя і атрыманыя веды. Па выніках віктарыны купалаўцы занялі першае месца.
«Плывучы ўніверсітэт» - гэта ўсерасійская навукова-адукацыйная праграма, якая фармуе экасістэму прафесійнай падрыхтоўкі - ад школьніка да кандыдата навук - у галіне вывучэння Сусветнага акіяна і клімату. Школа знаёміць з актуальнымі напрамкамі даследаванняў, фундаментальнымі і прыкладнымі задачамі, навуковымі калектывамі і цэнтрамі экспертызы, а таксама дае ўдзельнікам магчымасць атрымаць рэальны даследчы вопыт у марскіх экспедыцыях пад кіраўніцтвам вучоных-настаўнікаў і падтрымлівае іх на шляху акадэмічнага развіцця.
