У паўфінальным паядынку Аляксей Алфёраў прадэманстраваў майстэрства, сустрэўшыся ў рынгу з Рафаэлем Аганесянам з Арменіі. Бой працягнуўся менш за паўтары хвіліны першага раунда, дзе беларус адправіў саперніка ў накаўт, не пакінуўшы яму ніводнага шанцу.

Фінальны паядынак адбудзецца 13 снежня. Сапернікам Аляксея Алфёрава ў барацьбе за чэмпіёнскі тытул стане Шарабутдзін Атаеў з Расіі. Гэты паядынак абяцае быць асабліва цікавым, бо менавіта Шарабутдзіну Атаеву наш баксёр саступіў у фінале мінулага чэмпіянату Еўропы.

Гродзенскі дзяржаўны ўніверсітэт імя Янкі Купалы ганарыцца і віншуе Аляксея Алфёрава з упэўненай перамогай у паўфінале чэмпіянату свету па боксе. Уся спартовая сям'я купалаўцаў жадае максімальнай канцэнтрацыі і поспехі ў фінальным паядынку!