Нагадваем, што конкурс закліканы падтрымліваць маладзёжныя ініцыятывы і ўключае 4 намінацыі: «Інавацыйны прадукт», «Інавацыйная паслуга», «Інавацыйная тэхналогія» і намінацыя «Праект для ўніверсітэта», якія накіраваны на развіццё вучэбнай, даследчай і арганізацыйнай дзейнасці Купалаўскага ўніверсітэта.

Сёння адбылася прэзентацыя 24 праектаў студэнцкіх бізнес-ідэй інавацыйных стартапаў па розных напрамках: турызм, бізнес, медыцына, СМІ, будаўніцтва і іншыя. Студэнты прадставілі ідэі для прыкладанняў і розныя платформы.

Лепшыя праекты атрымаюць магчымасць папулярызацыі, фінансавання і рэалізацыі пры падтрымцы ўніверсітэта. Акрамя таго, аўтары найлепшых праектаў змогуць прыняць удзел у розных рэспубліканскіх і міжнародных конкурсах.

Важна адзначыць, што гэта толькі першы дзень прэзентацый, якія працягнуцца да 12 снежня, адкрываючы новыя магчымасці для студэнтаў Купалаўскага ўніверсітэта. Узнагароджанне пройдзе з 13 па 19 снежня.