Беларускую дэлегацыю на Другім Форуме прафесійнай вышэйшай адукацыі Беларусі і Узбекістана ўзначаліў Першы намеснік Міністра адукацыі Беларусі Аляксандр Бахановіч, які адзначыў значныя вынікі сумеснай работы і гатоўнасці Беларусі і ў далейшым нарошчваць супрацоўніцтва.

Рэктар універсітэта Ірына Кітурка прыняла актыўны ўдзел у мерапрыемстве, дзе сабраліся каля 40 кіраўнікоў беларускіх ВНУ і вядучыя спецыялісты сферы адукацыі абедзвюх краін для абмеркавання перспектыў узаемадзеяння. У ходзе форуму Ірына Фёдараўна і іншыя ўдзельнікі асаблівую ўвагу ўдзялілі абмеркаванню ключавых вектараў супрацоўніцтва паміж Беларуссю і Узбекістанам, а таксама абмяняліся вопытам у галіне адукацыйных інавацый і тэхналогій.

Важнай падзеяй першага дня Форума стала падпісанне шэрагу пагадненняў. Гродзенскі дзяржаўны ўніверсітэт імя Янкі Купалы заключыў дагаворы аб супрацоўніцтве з Ферганскім дзяржаўным універсітэтам і Каршынскім дзяржаўным тэхнічным універсітэтам. Гэтыя пагадненні адкрываюць новыя магчымасці для абмену студэнтамі і выкладчыкамі, рэалізацыі сумесных адукацыйных праграм і правядзення навуковых даследаванняў, што будзе садзейнічаць павышэнню якасці адукацыі ў абедзвюх краінах.

У рамках Форума ў Ферганскім дзяржаўным універсітэце адбылося ўрачыстае адкрыццё аўдыторыі імя Якуба Коласа. Мерапрыемства стала знакавай падзеяй для Беларусі і Узбекістана, умацаваўшы культурна-гуманітарныя сувязі і дружалюбныя адносіны паміж двума народамі.

На Форуме прайшло пленарнае пасяджэнне на тэму «Інавацыйнае супрацоўніцтва: Форум Узбекістана і Беларусі па пытаннях вышэйшай і прафесійнай адукацыі». Былі абмеркаваны пытанні аб умацаванні партнёрства і павышэнні якасці адукацыі. Падпісаны каля 30 мемарандумаў аб узаемаразуменні, пагадненняў аб супрацоўніцтве і дарожных карт.