Арганізатары праекта - Міністэрства адукацыі Рэспублікі Беларусь, Рэспубліканскі інстытут вышэйшай школы і Рэспубліканскі інстытут прафесійнай адукацыі - запрашаюць моладзь напісаць лісты сваім прадзедам, удзельнікам вайны, працаўнікам тылу і тым, чые імёны захаваны ў сямейных гісторыях. У лістах студэнты выказваюць падзяку, задаюць пытанні і дзеляцца разважаннямі аб значэнні подзвігаў сваіх продкаў, а таксама аб важнасці захавання гістарычнай памяці.

Гэтая акцыя ўяўляе сабой дыялог пакаленняў, які дазваляе моладзі звярнуцца да тых, хто аддаў сваё жыццё, сілы і маладосць дзеля светлай будучыні. Удзел у праекце дапамагае фармаваць павагу да гісторыі сваёй сям'і і краіны, а таксама паглыбляе разуменне значнасці гістарычных падзей.