Удзельнікі навучальнага семінара – прадстаўнікі 6 факультэтаў Купалаўскага ўніверсітэта – дэталёва разгледзелі найбольш распаўсюджаныя формы і прынцыпы інтэнсіўнага навучання, атрымалі пашыранае ўяўленне аб сутнасці адукацыйнага хакатона, яго арганізацыі, правядзенні і ацэнцы якасці. Канкрэтным прыкладам паслужыў хакатон «Дызайн / Стоп-моўшэн 2023», які адбыўся на факультэце мастацтваў і дызайну, і быў накіраваны на фарміраванне ў студэнтаў ведаў у розных сферах дызайну і атрыманне практычных навыкаў рэалізацыі сумесных творчых праектаў у галіне стоп-моўшн анімацыі. «Вынікі хакатона пацвердзілі самыя смелыя чаканні, – падкрэсліла Наталля Паўленка. – Студэнты праявілі высокую зацікаўленасць, глыбокае апусканне ў тэму, добры крэатыўны патэнцыял, згуртаванасць у каманднай працы».

У ходзе дыскусіі ўдзельнікі семінара звярнулі ўвагу, што для паспяховай рэалізацыі хакатона неабходна развіваць крытычнае мысленне студэнтаў на працягу ўсяго перыяду навучання, фарміраваць падчас заняткаў навыкі каманднага ўзаемадзеяння, падбіраць тэарэтычны матэрыял не толькі з пункту гледжання яго актуальнасці, але і шляхам звязвання яго з далейшай. практычнай працай, даваць студэнтам прастору, дзе яны будуць атрымліваць задавальненне ад сумеснай дзейнасці, змогуць выказваць сваё меркаванне і ведаць, што іх канчатковы вынік мае значэнне. Прагучалі думкі аб важнасці далейшага вывучэння разнастайных прыёмаў выкарыстання адукацыйных хакатонаў у рамках спецыялізаваных інтэнсіўаў для выкладчыкаў.

Чарговае мерапрыемства праекта «Адкрытае навучанне» адбудзецца 11 красавіка 2024 года. Аб арганізацыі і правядзенні алімпіяды па прадмеце «Фізічная культура і здароўе» раскажа старшы выкладчык кафедры спартыўных дысцыплін Уладзімір Мыш'якаў. Пачатак навучальнага семінара ў 15:05 у аўдыторыі 218а галоўнага корпуса ўніверсітэта.

Рэфлексія ўдзельнікаў семінара

Святлана Зайкова, дацэнт кафедры сістэмнага праграмавання і камп'ютарнай бяспекі, кандыдат фізіка-матэматычных навук:

– Добры семінар! Мадэратар прадаставіла падрабязную і грунтоўную інфармацыю для тых, хто плануе правядзенне хакатона ў будучыні.

Наталля Сычэўская, старшы выкладчык кафедры тэхналогіі, фізіялогіі і гігіены харчавання, магістр біялагічных навук:

– Арганізаваць і правесці хакатон не так ужо складана, галоўнае задацца мэтай і дакладна прытрымлівацца алгарытму, які прапанавала мадэратар семінара.

Ірына Майсеева, дацэнт кафедры крымінальнага права, крымінальнага працэсу і крыміналістыкі, кандыдат юрыдычных навук:

– Хакатон цікавы студэнтам з-за магчымасці ўбачыць канчатковы вынік свайго навучання «тут і зараз».