2 красавіка ў Купалаўскім універсітэце прайшла дыялогавая пляцоўка "Беларусь і Расія: агульная гісторыя, агульны лёс", у якой прынялі ўдзел кіраўнік Федэральнага агенцтва па справах Садружнасці Незалежных Дзяржаў, суайчыннікаў, якія пражываюць за мяжой, і па міжнародным гуманітарным супрацоўніцтве Яўген Прымакоў. Федэрацыі ў Гродне Феадосій Уладышэўскі, старшыня Гродзенскага абласнога Савета дэпутатаў Алена Пасюта, намеснік старшыні Гродзенскага абласнога выканаўчага камітэта Віталь Невера, а таксама рэктар ГрДУ імя Янкі Купалы Ірына Кітурка, выкладчыкі і студэнты нашага ўніверсітэта.

З уступным словам да ўдзельнікаў дыялогавай пляцоўкі звярнулася рэктар Купалаўскага ўніверсітэта Ірына Кітурка, якая павіншавала ўсіх прысутных з Днём яднання брацкіх народаў Беларусі і Расіі.

- Паміж нашымі краінамі і нашымі народамі даўно склаліся моцныя брацкія адносіны. Гэта агульная гісторыя і агульны лёс аб'ядноўвае нас яшчэ з часоў фармавання славянскай культуры. Сёння я з задавальненнем магу сказаць, што адзін са стратэгічных праектаў нашага ўніверсітэта – гэта ўніверсітэт без межаў. Гэта значыць, што сучасныя сродкі масавай камунікацыі дазваляюць нам сцерці любыя адлегласці і межы. Сёння мы супрацоўнічаем з арганізацыямі іншых дзяржаў у адукацыйнай сферы ў рамках 220 міжнародных дагавораў, 70 з якіх - з установамі адукацыі Расійскай Федэрацыі. У нас вялікія планы і перспектывы ва ўзаемным і шматвектарным супрацоўніцтве, - падкрэсліла рэктар Купалаўскага ўніверсітэта.

Ірына Фёдараўна таксама падзялілася, што ў гэтым годзе прыняць удзел у грамадзянска-патрыятычным марафоне "Разам - за моцную і квітнеючую Беларусь!" выказалі жаданне 9 расійскіх ВНУ, што яшчэ больш умацуе студэнцкае сяброўства. Адзначым, што ў мінулым годзе ўдзел у марафоне прымалі два расійскія ВНУ – Тульскі дзяржаўны педагагічны універсітэт імя Л. Н. Талстога і Пскоўскі дзяржаўны універсітэт.

Дыялогавая пляцоўка - гэта месца прыцягнення новых ідэй і карысных ініцыятыў. Паміж Купалаўскім універсітэтам і універсітэтамі РФ не толькі ўсталяваліся моцныя партнёрскія адносіны, але і ўтварыўся своеасаблівы стратэгічны альянс: прадуктыўная праца ў навучальнай, навукова-даследчай і грамадзянска-патрыятычнай дзейнасці.

- Сёння на сустрэчы мы абмеркавалі шэраг перспектыўных праектаў з РБ, якія мы плануем рэалізаваць. З рэктарам Купалаўскага ўніверсітэта мы пагаварылі аб сумесных адукацыйных праграмах, якія ў хуткім часе з'явяцца. Галоўнае памятаць, што адукацыйныя праграмы створаны для таго, каб навучыць спецыяліста, які будзе запатрабаваны ў сябе на Радзіме, - падзяліўся кіраўнік Федэральнага агенцтва па справах Садружнасці Незалежных Дзяржаў, суайчыннікаў, якія жывуць за мяжой, і па міжнародным гуманітарным супрацоўніцтве Яўген Прымакоў.

У рамках сустрэчы адбылося абмеркаванне гістарычнага аспекта і перадумоў яднання народаў дзвюх краін, агульных духоўных каштоўнасцей і перспектыў сумеснага развіцця ў розных галінах.

У размове са спікерамі ўдзельнікі дыялогавай пляцоўкі даведаліся пра агульныя карані і сучасныя цесныя сувязі прадстаўнікоў дзвюх краін, двух народаў у кантэксце гісторыі стварэння і развіцця Саюзнай дзяржавы. Удзельнікі падзяліліся думкамі аб ролі і значэнні развіцця брацкіх адносін паміж Беларуссю і Расіяй у кантэксце адукацыйных праграм, а таксама абмеркавалі перспектыўныя формы рэалізацыі маладзёжных праектаў і ініцыятыў.